Texts
Return to list | edit | delete | Create a new | history | Statistics | ? Help
Suhanova Ol’ga. “Oman koin ikkunat” – uuži kniiga tverinkarielakši
Suhanova Ol’ga
“Oman koin ikkunat” – uuži kniiga tverinkarielakši
Karelian Proper
New written Tver
"Miula
käzissä on uuži valgie kniigane "Oman koin ikkunat " (2019), kumbazen kirjutti tverinkarielane L’udmila Gromova (peittonimi L’udmila Barhatova ). Kniigašša on kakši čuastie : "Oman koin ikkunat ", mistä löydyy runoloida .Toizešša – "Konža mie olin pikkarane " voit lugie lapšen muistoloida , pienie starinoida .
Mie tunnen L’udmilua kakšikymmendä vuotta kuin Karielan šana -lehen toimittajua da Tverin universitetan opaštajua ."Karielan šana " oli Tverissä enämmän 20 vuotta ainovana lehtenä , kumbane kirjutti pienen tverinkarielan rahvahan kielellä . L’udmila Gromovan elännäššä nagole oli kakši kieldä rinnakkeh : kariela da veniälä .Veniälän kieldä hiän opaštau ulgomualoin studentoilla jo 40 vuotta .Tuhannet opaštujat eri muakunnoissa muissetah omua tverilas’t’a opaštajua , kirjutetah kirjoida , tullah gostih .– Mie rubein paremmin maltamah , kuin kallis’ on oma kieli da kul’tura jogo ristikanžalla , konža opaštuas’s’a universitetašša näin jogo kul’turan kaunehukšen . Oma karielan kieli nagole oli miun šiämeššä , šanelou L’udmila .Hiän opašti karielan kieldä Tverin universitetašša , pidi luvendoida karielan kieleh näh Šuomen universitetoissa Turušša da Joensuušša .Runokniigan ezišanoissa hiän kirjuttau : "Pikkuzešta šuat muissan iččiedä kakšikielihizenä , pagizen tverinkarielakši da hormiksi .Vain duumaičen , endizeh rubein maltamah karielakši , vet meilä koissa paistih omalla kielellä .Miun Anni-buabo , kumbazenke mie olin oman elännän enžimäzet vuuvet , ynnäh ei paissun hormiksi .Kaikki lapšen eländä mäni karielan kielellä , vain školašša opaštuma hormiksi .Miula lieni kakši omua kieldä !"L’udmila Gromova muissuttelou : – Miun muamo Barhatovan Marija Stepanovna oli veniälän kielen opaštajana Prudovan kylän školašša , hiän muisti äijän Puškinan da Lermontovan runoloida i rigeneh lugi miula niidä .Mama šuačči runoloida , häneldä mie opaššuin maltamah šanan kaunehutta .Tuatonke Barhatovan Jegor Pavlovičanke mie tunnuššin kylän elännän , jovet , mečät , vet’ rigeneh kävin hänenke yheššä gribah i kalah .Lapšen šilmillä ilman tunnuššin – Muamon i tuaton šanalla .Kaiken ijän že pyzyy šiämeššä , Kodie unahtua ei ana .Oma mua , oma kylä , oma kodi – nämä temat L’udmila Gromovan runoloista läbi männäh ruškiena langana .Armaš miun randane – mečät da pellot , Harmuane taivaš lähellä muan .Konža mie makšan endizet vellat , Šilloin vain hyvän elännän šuan .Monet omat runot L’udmila kiändi hormiksi .– Mie tahoin , što monet karielazet , ket jo ei tietä hyvin omua kieldä , lugiettais’ , vet’ mie kirjutan kaikilla varoin . Omua kodie šuatah da muissetah kaiken ijän , šano L’udmila .Oman koin ikkunat Kuin muamon šilmät kačotah , Oman koin ikkunat Milma kodih vuotetah .Toivotan L’udmilalla da hänen kniigalla lykkyö , rubiemmä vuottamah uužie runoloida , uutta prozua !
L’UDMILA BARHATOVA VIRBAPYHÄPÄIVÄN LUMI Yön kaiken i kaiken päivän laškou lunda vallutta valgiembua kuin talven allušša I šygyžyn lopušša .Puut i koit tuaš šanellah tämän talven valgieda šuarnua .Hengellä kebie – kuin i eulun keviän čirost’a i kaziloin ravuo martan korgiella kuudomyöllä ...Lumi , virbapyhäpäivän lumi – kuin algu , uuven elännän algu , kumbazeh kiirähän , kumbane ennätti kežän i šygyžyn .
Šana kirjuttajalda
Pikkuzešta šuat muissan iččiedä kakšikielihizenä , pagizen tverinkarielakši da hormiksi .Vain duumaičen , edizeh rubein maltamah karielakši , vet meilä koissa paistih karielakši .Miun Anni-buabo , kumbazenke mie olin oman elännän enžimmäzet vuuvet , ynnäh ei paissun hormiksi .Kaikki lapšen eländä mäni omalla kielellä , vain školašša opaštuma hormiksi .Miula lieni kakši omua kieldä !"Oman koin ikkunat " – tämä on kniigan enžimäne čuasti , kumbazeh on pandu runot . Monet runot kiännin horman kieleh .Аna lugietah ne , kellä on jygie maltua karielua .Kniigan toizešša čuastissa "Konža mie olin pikkarane " luvettavakši karielan kielellä on lyhyzie starinoida lapšuuvešta .Monet miun runot oldih painettu Karielan šana -leheššä Tverissä , da Taival-almanakašša i Oma Mua -leheššä Petroskoissa .
“Oman koin ikkunat” – uuži kniiga tverinkarielakši
Karelian Proper
New written Tver