Texts
Return to review | Return to list
Iisus sellittäy arbaituspaginan kylväjäh näh
history
September 06, 2022 in 15:29 Нина Шибанова
- created the text
- created the text translation
- created the text: 9 Opastujat kyzyttih Iisusal: «Mih niškoi tämä arbaituspagin on»? 10 Iisus vastai: «Teile on annettu tiediä Jumalan vallan peittomielet, a toizile niilöih näh sanellah arbaituspaginoil, ku hyö kačottas da ei nähtäs, kuunneltas da ei ellendettäs. 11 Arbaituspaginan sellitys on nengoine: Siemen on Jumalan sana. 12 Dorogupieleh kirvonnuot siemenet ollah net rahvas, kudamat kuultah sana, no tulou pahalaine da ottau sen sanan heijän sydämespäi, ku hyö ei uskottas da ei piästäs. 13 Kivikkökohtah kirvonnuot siemenet ollah net rahvas, kudamat sanan kuultuu otetah se rakkahal vastah, no uskotah vaiku kodvaine.^ Heil ei ole juurii, i konzu hyö puututah muanituksih, hyö myöstytäh sit sanaspäi. 14 Ohtoloin keskeh kirvonnuot siemenet ollah net rahvas, kudamat kuultah sana, no sit hyö typehtytäh elaijan huolih, bohattuoh da hyvyzien suvaičendah, i ei anneta kypsiä vil՚l՚ua. 15 A hyväh muah kirvonnuot siemenet ollah net rahvas, kudamat kuultah sana da kannetah se hyväs da puhtahas sydämes, tirpetäh da annetah vil՚l՚ua».