Texts
Return to list | edit | delete | Create a new | history | Statistics | ? Help
Paušin Šan’uu. Muailmua on suuri, a toko lämmiä čupustu on vähä
Paušin Šan’uu
Muailmua on suuri, a toko lämmiä čupustu on vähä
Ludian
New written Ludian
Mišinselgän
Zaicevan heim
Minun kodoilu on Priäže , sie minä rodimmos , siegi kazvuoin da školas opastuin .Priäžaspiäi oldah minun omadgi : minun armaz mamoi , tötoi , tötoin pereh – kai oldah priäžalaižed .No minun baboi – Aleksandra Pavlovna Rodionova – rodiihez Mišinsel’gäs .Häin oli lyydiläižen Zaicevan rodun tytär .Baboin pradedoin , Zaicevan Pešal , perehes oli seiččei laste , yksi heis – Pauši – oli minun baboin tatoi , minun pradedoi .Paušilgi oli suur’ pereh .Hänen akke , Agrofena , kuoli hedi , konz suai kaksižed – Aleksandran da Annan .Sen dälges yhten sizaren , Aleksandran (minun buaban ), otti omah pereheh Priäžah buaban dädöi , heil ei olnu omiid lapsiid .A toine sizar , Anna , d’iäi elämäh Mišinselgäh toižiin čidžiin da veikoin ker .Muga kaks’ kaksižed oldih eroitettu monih vuozih .Kaks’ sizart – Anna i Aleksandra oli muga yhteniččimäd , što , konz hyö oli kazvanu , vähä ken voi eroittada : ken on Šan’a , a ken on Anna .
Mugalleh voin sanoda , što meiden rodu , Zaicevan rodu , algottau Mišinselgäspiäi .Nygyygi Mišinselgäs eläy oman akanke aino eläi – Mikko Zaicev , minun toine dädöi .
Meiden perehen kodi Priäžas
Kaččomata sih , što minun buabo oli ottolaps’ , dädöin perehes häin kazvoi , kui oma armaz tytär .Priäžas häi eli kaiken igan , enamb 40 vuotte ruadoi sanitarkan bol’ničas , "rodilkas ", iče häin suai kuuz’ laste – kuuz’ tytärt , no hengiš diäi vaiku kaks’ tytärt – minun muam L’udmila da hänen Roza-čidži (nygyy Roza ei d’o ole hengiš ).Minun buab loppi vai yhten kluasan , siid opastuda ei voinu .No yks’kaik häin oli hyvin mielekaz naine , a gu oli olnuiš hänel opastuz , häin oli voinuiš dohtorangi bol’ničas .
Meiden pereh eli suures puuhižes talois , buaban dovarišše priäžalaine Markovan Tat’t’an eli omas kodis , meiden kodin rindal .Lapsen minä moni kierdad kävyin Tat’t’an-buaballuogi .Meiden kodi on d’o enamb 35 vuotte riičittu , a Markovan kodi vie seižou nygyygi – Priäžan vahnin kodi , hištorijan muštmerkki .No konz ezmaižen kierdan otin A .Barancevan "Lyydin kieliozuteksed "- kniigan , diivimös , što täs kniigas meiden gi kodi oli kuvas (Kikin da Markovan kodiin keskes ).Kaččomata sih , što silloi , konz myö muutimme toižeh taloih , i meiden vahne kodi oli riičitty , olin vie pieni , nel’l’vuodehine , yks’kaik hyvin muštan omad kodid i nygyygi nägen sida omis unis .
Kard’alan kieli meiden perehes
Tiettav , buabon ymbärištos , kaik hänen ystäväd , susiedad , kai omad pagištih kard’alan kielel .Kui minun muam muštau , buabo ainoz sanuoi : "Myö olemme lyydiköit , hyö oldah venälaižed ".Minun buabo pagiži omal lyydin kielel Roza-tyttärenke .I minun tötoi hyvin maltoi pagišta muaman kielel ihan omah kuolendassuai .A vot minun muamod buabo ei opastanu pagižemah lyydikš , en tiedä , no voinan däl’ges (a minun muam on rodinuze vuodel 1949), kard’alan kielel kieltih pagižemah .Muamo kai el’gendi , no pagiži vai ven’akš , a siid i minunke vaiku ven’akš pagiži .Moine aige oli ...
Kard’alan kiel’te zavodin lugeda siid yliopištos , i Roza-tötoi oli tulnu silloi minule piäabunikaks , sendäh gu ainoz pažigi minunke kard’alan kielel .Minä elgendin , što tötoi pagižou toižeh luaduh : gu minä hänen ker livvikse , a häin vastaži lyydikse ."Sinä kui suomelaine pagižed !", aivin šuutti Roza-tötoi , no ykskaik el’gendimme toine tošte .
Häin ei maltanu lugeda Oma mua :d , gu sit kai oli kirjutettu ladinalaižel asištol , i minä lugin hänele kard’alankieližen gazetan artikkeliid .Vot muga myö yhtes abutim toine tošte ...
...Yliopišton däl’ges on männy äi vuotte , nygyy iče maltan lyydikš pagišta , i voin lyydin dialektad kursiil opastada .
Muštan omid d’uurid , armastan omad kiel’t i d’alo tahtuoižin , štobi minun pruadiedoin kiel’ säilyiš i eliš .
Muailmua on suuri, a toko lämmiä čupustu on vähä
Ludian
New written Ludian