Texts
Return to list | edit | delete | Create a new | history | Statistics | ? Help
Valentina MIRONOVA, Olʾga Smotrova. Regikelil
Valentina MIRONOVA, Olʾga Smotrova
Regikelil
Livvi
New written Livvic
Regilöi
karjalazet käytettih vie enne sidä , kui hyö ruvettih käyttämäh hebuo vedoväinny .Net oldih pienet regyöt , kudamil ristikanzu vedi gruuzuu .Moizii vie mennyöl vuozisual oli Vienan Karjalas .Vienankarjalazet sanottih niilöi regyzii ahkivokse , liygiläzet – volokakse .Ahkivo mustoitti venehty .Emäpuunnu oli sangei koivulaudu , kudaman yksi agju oli kiännetty kui rien jallas .Sih laudah nuoral libo vičal kiinitettih kaijat bokkulavvat .Jogahizen vičan lopus oli silmy , niilöih silmih pandih nuoru da nuoras viettih volokku .
Luajittihgi kezäregilöi , net oldih lyhyömbät .Niilöis viettih sežo halgopuudu , heiniä , olgie da höštyö .
Nuoret da lapset čurattih regyzil mäispäi .Ruavahat ajeltih regilöis pruazniekkoih .Pruazniekkuriet oldih čomembat da niilöi sanottih korjakse .
Sit käyttöh tuldih riet .Niilöi maltoi luadie joga muanruadai mies .Jallaksih niškoi leikattih mečäs ei sangei koivupuu , se kuorittih da pandih päččih .Pehmei puu pidi lämmyttiä , sendäh se pandih paininpuuh .Jallaksii kuivattih pertis .Kuivattuloih jallaksih luajittih pezät , kudamih sivottih kablahat .Kablahii oli kolme-nelli puarua .Regilöis viettih heiniä da halgopuudu mečäspäi da muudu gruuzuu .Toiči jogahizeh gruuzuh niškoi oldih omat riet .Luvul XIX Vienan Karjalas regilöih val’l’astettih pedroi , myöhembi – heboloi .Regie levielöin jallaksienke sanottih kelkakse .Kelkah sežo val’l’astettih pedroi da heboloi .
Regikelil
Livvi
New written Livvic