Texts
Return to list
| edit | delete | Create a new
| Statistics
| ? Help
Meččyjänöi
Source:
Ruppijeva J. V., Pankratjeva J.V. , Livvin opastuskniigu 6. kluassu., 2018, p. 48
Meččyjänöi
Livvi
New written Livvic
Meččyjänöidy on kaikis Karjalan mečis. Meččyjänöi ei ole suuri elätti. Se painau kaikkiedah nelli-viizi kiluo. Meččyjänöi vaihtau turkin kaksi kerdua vuvves: keviäl da sygyzyl. Talvel se on valgei. Kezäl – muzavanruskei. Vai korvien n’okat elätil ainos ollah mustat da hännän n’okkaine on valgei. Meččyjänöi eččiy ičelleh syömisty huondeksel da illal. Päivän se viettäy peittokohtas. Se peittokohtu – jänöin magavopaikku – on pieni haudu muas libo lumes. Talvel meččyjänöi syöy lehtipuuloin vezua, keviäl, sygyzyl da kezäl syöy kazviloi.
