VepKar :: Texts

Texts

Return to review | Return to list

Muailmankaikkevus

history

January 20, 2023 in 12:12 Нина Шибанова

  • created the text
  • created the text: Tiedomiehet ollah sidä mieldy, ku Muailmankaikkevuol on läs 15 billionuavuottu. Muailmankaikkevuos on äijy galaktiekkua. Meijän Päiväzenkundu kuuluu Linnunrada-galaktiekkah. Päiväzes ymbäri pyöriy kaheksa planiettua, niilöin joukkoh kuuluu meijängi Mua-planiettu. Ennepäi yheksändenny planietannu pietty Pluton nygöi tutkijoin mugah kuuluu karliekkuplaniettoih. Kosmosan tutkimine on tärgei meijän muailmah niškoi, sendäh ku kosmosas menijät procesat vaikutetah meijän Muah. Ristikanzu jo hätken aigua tutkiu kosmossua. Täl alal Ven’an muan kosmosan tutkijat da valloittajat ollah enzimäzii muailmas. Sulakuun 12. päivanny vuvvennu 1961 meigäläine Jurii Gagarin enzi kerdua lendi kosmossah kosmossulaival. Häi kierdi Muan da oli kosmosas 108 minuuttua. Tänäpäi sulakuun12. päivy on Kosmonaftiekan päivänny. Pidäy sanuo segi, ku vuvvennu 1965 meigäläine kosmonaftu Aleksei Leonov enzimäzenny lähti kosmossulaivaspäi avvonazeh kosmossah. A vuvvennu 1963 enzimäine naine – meigäläine Valentina Tereškova – lendi kosmossah.