Texts
Return to list | edit | delete | Create a new | history | Statistics | ? Help
Oigei syöndy
Oigei syöndy
Livvi
New written Livvic
Tänäpäi
ylen äijän paistah da kirjutetah oigies syöndäs .Se on hyvä dielo .Oigies syöndäshäi rippuu ristikanzan tervehys .Smietin , niken ei tahto luadie pahua omale tervehyöle , sendäh pidäy tiediägi , midä da kui äijän voibi syvvä .Minä olen ellendännyh sen , ku syvvä pidäy nelli-viizi kerdua päiväs da ainos yhtel aigua .Ei sua syvvä kerras äijiä , liigu syömine ei ole hyvä vaččah da šuolistoh niškoi .Syvves ei pie kiirehtiä , kai syömizet pidäy hyvin puretella .Stolas istujes ei sua liigua paista .Minun died’oi ainos sanou : "Syöndyaigu on rauhu aigu ."Pidäy mustua segi , ku syömine pidäy olla lämmin da putilline .Ku ruvennet yhtehpalah syömäh midätah kuivalleh libo yksii voileibii , sinul rodieu vačču - da šuolitaudiloi .Syömine pidäy ollah veres da monipuoline .Sit pidäy olla tietty miäry vitamiinua , minerualusuolua , proteiinua , hiiligidruattua da razvua .Äijy vitamiinua on ouveššilois da puunandimis .Proteiinua on lihas , kalas , maijos , ruahtos , juustos da pabusyömizis .Äijy hyviä razvua on vois , kannatekses da maijos .Huondeksel vältämättäh pidäy syvvä lämmin huondesvero .Huondesverokse minä syön kuaššua : kagru -, brossu - libo riissukuaššua libo ruahtuo .Vie luajin ičele voileivän da juon čuajuu .Murginakse meil vältämättäh on liha - libo kalarokku da kalua libo lihua ouveššiloinke .Murginan aigua minä juon marjuvetty : garbalovetty libo buoluvetty .Ildazekse myö sežo varustammo lihua libo kalua , pidäy vai mustua se , ku illal pidäy syvvä vähembi , migu huondesveron libo murginan aigah .Syömizeii , kudamis on äijy proteiinua , ei pie syvvä ehtäl , sendäh ku niilöin sulatus ehtäl menöy äijiä hillembäh .Ei pie unohtua sidä , ku ehtäl pidäy syvvä kahtu čuassuu enne muate vierendiä .Päivän aigah veroloin välis minä vie syön palazen , konzugo syön fruktua , konzugo juon kefiirua libo syön jogurtua .Magiezii minä syön harvah .Niidy vikse voibi syvvä vaiku kerran nedälis , huogavopäivin .
Oigei syöndy
Livvi
New written Livvic