Texts
Return to list | edit | delete | Create a new | history | Statistics | ? Help
Tervehys on kuldua da hobjua kallehembi
Tervehys on kuldua da hobjua kallehembi
Livvi
New written Livvic
Myö
puaksuh rubiemmo duumaimah omas tervehyös vaiku silloi , konzu voimatummo .Duumaičemmo , ku nygöi rubiemmo luadimah huondesniveldysty , enämbän sportuiččemah da kävelemäh pihal .Ga konzu paranemmo , unohtammo omis mielis da uskalduksis .Jogahine vikse tiedäy sen , ku sportu avvuttau pyzyö tervehenny , se lujendau sinun rungua dai mielii .Dai jogahine tiedäy , ku ei sua hätkie istuo tiedokonehen tyves da kaččuo yhtehpalah televiizorua libo telefonua .Pidäy liikkuo da lekkuo .Ku et käynne sinä sportuškolah , ga sit voit mennä pihale .Pihal voit kävellä libo juoksendella .Tänäpäi äijät rahvas ruvettih kävelemäh keppilöinke da sit kävelendäs on äijy hyödyy ristikanzale .Keppikävelendy ottau pahat mielet da ajau stresan , lujendau hardieloin , vačan , sellän lihaksii da immunitiettua , parandau kouhkoloin , syväimen da verisuonien ruandua , avvuttau laihtuo .Keppikävelendy on sit puoles hyvä , ku pädöy eri-igäzile ristikanzoile da sidä voibi harjaitella joga vuvvenaigua .Keppikävelendäh niškoi ei pie nigo sportuzualoi , nigo stadionoi .Toiči pahoittelettos , ku on paha siä pihal da moizel siäl ei himoita nikunne lähtie , ga voit koisgi vähäzel sportuija : rubie vai punomah vannehtu , hyppimäh hyppynuoras piäliči da luadimah kykistymizii .Ku et tahtone ruadua sidä yksinäh , kuču omii da tuttavii , ei hyö kieldävytä hyväs ruavos .Dai joukolleh sportuičendu andau vie enämbän hyviä mieldy .
Tervehys on kuldua da hobjua kallehembi
Livvi
New written Livvic