Texts
Return to list | edit | delete | Create a new | history | Statistics | ? Help
Karjalan kieli eläy internetas
Karjalan kieli eläy internetas
Livvi
New written Livvic
Tänäpäi
myö voimmo sanuo , ku karjalan kieli on kehitynnyh da täkse aigua se on roinnuh pädijäkse kielekse .Kieli eläy ei vaiku kniigois , lehtis da žurnualois , se on tulluh da libunuh internettahgi .Tänäpäi on verkosivustoloi , kudamat kogonah ollah vaiku karjalan kielel .Niilöih kuulutah Karjalan Kielen Koin da opastajat .net -verkosivustot .Erähil ven’an - libo suomenkielizil verkosivustoloil on niilöin karjalankieline versiigi .Muga on Suomes ruadajien Karjalan Sivistysseuran da Karjalan Kielen Seuran verkosivustoloil .Oma Media -portualugi Karjalas on viijel kielel : karjalan , suomen , vepsän , ven’an da anglien kielel .Voimmo löyhkiä , ku ruadau karjalankieline Wikipedii , kudamas täkse päiväkse on jo enämbi 3400 kirjutustu .Jogahine voi panna oman vuitin sih ruadoh da kirjuttua mistahto tärgies täh verkotiedosanakniigah .Nenga myö ozutammo , ku karjalan kieli on elävy kieli da se kehittyy ainos .Vie yksi hyvä dielo , kudaman olemmo luadinuh , on VKontakte-socialiverkon interfeisan kiändämine karjalan kielen vienankarjalan murdehele .Tänäpäi joga karjalaine libo karjalan kieleh kiinnostunnuh voi vallita karjalan kielen sen socialiverkon kielekse .Karjalan kieli nägyy da kuuluu internetas .Äijis socialiverkoloin sivustolois kirjutetah karjalakse , niilöis on kačottavua da kuunneltavua karjalan kielel .Tänäpäi internetas on karjalan kielen sanakniigua da online-sanakniigua , suau lugie kaunehliteratuurua karjalan kielel da opastuo karjalan kieldy verkokursiloil .
Karjalan kieli eläy internetas
Livvi
New written Livvic