VepKar :: Texts

Texts

Return to review | Return to list

Talvi-ildu

history

January 23, 2023 in 16:52 Нина Шибанова

  • created the text
  • created the text: Bauhu hämyl tiähtii kattau, Lumituisku pyörittäy, Zvierin iänel ulvuo jatkau, Buite lastu itkettäy, Oppiu hapistunnuos levos Olgikubuo čobaittua, Buite myöhä tulii vevos Ikkunua miän kobaittau. Meijän lahon mökin čuppu Igävissäh pimeni, Mindäh sinä, vahnurukku, Ikkunalluo hillenit? Ollet bauhupajon kuultes Vaivistunnuh ildusiäl, Vaigo värtinäzen huoltes Nukut kuožalizen piäl? Juommo, sula armasruppi, Minun nuorien vuozien kois, Juommo tuskis, kus on kuppi? Syväin vesselembi roih. Lövvä pajoine, kui čiučoi Meren tagan peziä luou, Pajata, ku nuori čidžoi Huondeszor’as vetty tuou. Bauhu hämyl tiähtii kattau, Lumituisku pyörittäy, Zvierin iänel ulvuo jatkau, Buite lastu itkettäy. Juommo, sula armasruppi, Minun nuorien vuozien kois, Juommo tuskis, kus on kuppi? Syväin vesselembi roih. Kiändi Aleksandr VOLKOV

The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages