Texts
Return to review | Return to list
Uuzi käsky
history
February 26, 2023 in 16:02 Нина Шибанова
- created the text
- created the text translation
- created the text: 31 Konzu Juudu lähti, Iisus sanoi: «Nygöi Ristikanzan Poigu on ylendetty, i Jumal on ylendetty Hänes. 32 I ku kerran Jumal on ylendetty Hänes, sit i Jumal ylendäy Händy omas ičes, ylendäy Händy ylen terväh. 33 Lapset, minul ei hätkie tule olla teijänke. Työ ečittö minuu, no nygöi minä sanon teile sen, midä minä olen sanonuh jevreilöile: kunne minä menen, sinne työ etto piäze. 34 Minä annan teile uvven käskyn: suvaikkua toine tostu. Muga kui minä suvaičin teidy, työ suvaikkua toine tostu. 35 Kaikin pietäh teidy minun opastujinnu, ku työ suvainnetto toine tostu». 36 «Ižändy, kunnebo Sinä lähtet»?^ kyzyi Simon-Pedri. Iisus vastai: «Kunne minä lähten, sinne sinä minunke et voi nygöi lähtie, no myöhembi tulet». 37 Pedri sanoi: «Ižändy, miksebo nygöi en voi lähtie Sinunke? Minä hengengi annan Sinun puoles». 38 Iisus sanoi hänele: «Sinägo annat hengen minun puoles? Toven, toven sanon sinule: kukoi ei laula enne, ku sinä kolmeh kerdah kieldävyt minus».