Texts
Return to list | edit | delete | Create a new | history | Statistics | ? Help
Iisus voitti muailman
Iisus voitti muailman
Livvi
New written Livvic
"Toven
, toven sanon teile : midä vai igänäh etto pakinne Tuatal minun nimes , sen Häi teile andau .
24 Täh suate työ vie nimidä etto pakinnuh minun nimes .
Pakikkua , i työ suatto , sit teijän ihastus roih täyzi .
25 Pagizin teijänke täh näh arbaituksil .
Roih moine aigu , konzu en enämbi pagize arbaituksil , a sanon teile silmis kaiken Tuattah näh .
26 Sinä piän työ kyzyttö minun nimes , i minä en sano , ku minä rubien kyzymäh Tuattua teijän puoles .
27 Tuatto iče suvaiččou teidy , ku työ suvaičitto minuu da uskoitto , minä tulin Jumalan luopäi .
28 Tuatan luopäi minä lähtin i tulin täh muailmah , a nygöi minä jätän muailman da menen järilleh Tuatan luo ".
29 Opastujat sanottih : "Nygöi Sinä pagizet ellendettävil sanoil , et arbailtavil .
30 Nygöi myö näimmö : Sinä tiijät kai , kyzyttähes hos midä , i Sinul ei pie vuottua kyzyndiä .
Sendäh myö uskommo , Sinä tulit Jumalan luopäi ".
31 "Tiettäväine , nygöi työ uskotto ", sanoi Iisus .
32 "Tulou aigu – i se jo tuli – konzu teidy levitetäh , kedä kunne , i työ jätättö minuu yksin .
No yksin , toven , en jiä , ku Tuatto on minunke .
33 Sanoin tämän teile sendäh , ku työ löydäzittö rauhan minus .
Muailmas teil on ahtas , no olgua rohkiennu : minä voitin muailman ".
Iisus voitti muailman
Livvi
New written Livvic