Texts

Return to list | edit | delete | Create a new | history | ? Help

Kut tegiba vasan

corpus: Dialectal texts

Central Western Veps,

Informant(s): Карпов Никанор Леонтьевич, 1897
recording place: Ладва (Ladv), Podporozhsky District, Leningrad Oblast,

Source: Язык и народ: тексты и комментарии, 2002, p. 67-68


Kut tegiba vasan
(Veps)

Ende tegiba vasan, ka rugihen ligotadas da id’atadas da päčhe pandas. Päčiš houdutadas mišto imetoida. Tegižihe imen, nu da sit’ kuivatas da jouhtas da pašttas liibeižiks, nu i vasan pandas. Vaslačud oliba, minei vuu om kus-se vaslačuine. Uuged ezmäks paned mišto ii jokseiž liib, riigun kohtha, riig mi jokseb vas-se. Potom liiban paned sin’n’a da kipetkoižuu valad viluu, da vuu sepid paned dei vas tegese čoma. Pigei muikteb, da vet potom töutad. Otad, vasan valad, lukhiineižid da ret’kašt da babušt.

A riiguižen-se saubata tariž?

Ka ved’ tehtud nagleine, nagleižuu souptad. Kranad oliba kuti samovaroiš. Aveidad kranan dei jokseb. Irdal vilus tari pidäda kuni muiktab, hodibka lämmäs, a potom irdal. Pertiš ka tegese muiged äjou.

Eduu pudron keitiba jouhospäi. Ka kip’atkoižen kehutad da kip’atkoho jouhon segoitad, solad paneddei pudr. Kagreižes jauhos necida korboid keitiba. Mugažo kipätkoho zavarid i korboin'. Eduu näged mil’ beregoičiba adivoid'.

Paštoiba kalitkoid', koloboid', ozražnikoid', hernehnikoid', surinpiroškoid'. Ozran semenzimai ka surm’an kodiš jouhoimei, ken mellnical, ken kodiš kivuduu.