Texts
Return to list | edit | delete | Create a new | history | Statistics | ? Help
Suomen voinua vaste
Suomen voinua vaste
Livvi
Vedlozero
Suomen
voinua vaste kerättih meijän rajonas kaikkii mužikkoi , joga kyläs .Kai Vieljärveh .Kolme päiviä olimmo Vieljärves , sit kolmandennu päivänny illal kerättih kluubah , ruvettih andamah pasportoi .Kelle pasportat annettih , niidy työttih kodih , a meidy sada kaksikymen kaheksa hengie Petroskoile .Petroskoil olimmo nellät suutkat , Oneganrannal .Sit nelländil suutkil illal ruvettih lugemah viizi rajonua : Anuksen , Vieljärven , Priäžän , Petrovskoin , Šoltozerskoin .Ken on traktoristat , šouferat i ken sluuži armies .Srojittih meidy .Nellisadua hengie pihal kerävyi .Sit viedih vojennoih gorodkah , vahnan bazarilluo .Sie päiviä kaksi onnuak olimmo mugaleite omas sovas .Sit otettih kylyh .Kylys meidy šuoritettih vojennoih formah , annettih botinkat , šinelit , šlömat .Yöl voinua vaste kerättih komsomol'cat , partiinoit kluubah , miitingu oli , što meijän pereiditah Suomen raja .Tossupiän myö jo olimmo vojennois formas i komisar vistuppi , što jo voinu zavodiheze .Sanou , finskoi korpussu pereidi meijän puolel .Meile oldih hevot tuodu .Heboloil suičet vai oldih piäs , muudu nimidä .Sit meidy vagonoih i tulimmo Leningruadah pimies jo .
Suomen voinua vaste
Livvi
Vedlozero