VepKar :: Texts

Texts

Return to list | edit | delete | Create a new | history | Statistics | ? Help

Kuin baibatettih lapšie

Kuin baibatettih lapšie

Karelian Proper
New written Tver
***
Čirone-čorone,
Tule miän pihalla.

Šyötän, juotan,
Skammizella issutan,
Šillan luona lebäytän,
Goran alla issutan,
Verejäštä kačahan,
Jällesti muhahan.


***
Bai, bai, basalai,
Šeppäšihä lapšen šai,
Ei mahu kätkyöh,
Postelilla brekottau,
Čugunašša jallat,
Luapotissa kannat.

Kaivon vibu kriičkuu,
Mäkelniččägorničča,
Kylyn buabostuupičča.


***
Duariezet, Muariezet,
Muamoš kuččuu kodihizeh:
Yöhyt pimiekkäne,
Vezi vilukkane,
Gorniččazet korgiezet,
Lesniččazet libiezet.

Ken nämä luadi?
Kirveš nämä luadi.
Missä kirveš?
Kannon piäššä.
Missä kando?
Tuli polti.
Missä tuli?
Tuhkazissa.
Missä tuhkat?
Vezi vei.
Missä vezi?
Härgä joi.
Missä härgä?
Iskietty.
Missä lihat?
Madouvuttih.
Missä mavot?
Kukko n’okki.
Missä kukko?
Kukkarošša.
Missä kukkaro?
Lippahašša.
Missä lipaš?
Taivahašša.
Missä taivaš?
Nurmeudun.