Texts
Return to list | edit | delete | Create a new | history | Statistics | ? Help
Častuškoida
Častuškoida
Karelian Proper
New written Tver
Tuldih
meilä gul’aimah
Kakši brihakuluo ,
Šolahin mie karžinah ,
Šain mie heilä suluo .
Miän min’n’ane
Muštašilmäne
Keitti gribarokkua ,
Šyötti milma houkkua .
Läksin mie kargajamah ,
Kačahin mie brihah .
Että vieri tyttözet :
Briha puoleh n’abah .
Aššu , Man’a , kargajamah ,
Emmä rubie varajamah ,
Eu midä varata –
Vs’o rouno lieu karrata .
Läksin mie kargajamah ,
Kavotin mie botan .
Elgiä , elgiä koškekkua ,
Kargajan i otan .
Miun varane edähänä ,
Edembiänä Piiterie ,
Työndäy šieldä posilkašša
Karbalošta kiiselie
Tuldih meilä gul’aimah
Kakši brihua mul’uo ,
Šolahin mie karžinah
Šain mie heilä bul’uo .
Šuačen , šuačen varas’t’a
Ei omašta kyläštä ,
Šuuren joven kohašta
Kommunistua Kol’as’t’a .
Muštakulma brihane ,
Tule tänpiänä illalla .
Rubien šilma vuottamah
Medvedičan šillalla .
Muštašilmäne brihane ,
Mintän harvah kävelet ?
Šano , šuačet ali et ,
Ali aigua vietället ?
Mintän čuasut pietytäh ,
Zavodietut šeizotah ?
Miun varane ei kävele :
Händä koissa haukutah .
Opa , opa-opas’t’a ,
Kolmetoista kalas’t’a ,
Kagras’t’a da ozras’t’a ,
Vardei omua dobras’t’a .
Eh , Sem’onovna ,
Aššu miunkena ,
Šivo paikkane
Da ribuzinke .
Läksin mie kargajamah ,
Karratešša muhahin :
Oman kylän varazen
Yhä väliän unahin .
Laulan mie virryttä :
Ožutallan iänyttä .
Eigo hiän kuulis’ ,
Eigo miun luoh tulis’ .
Miun varane edähänä ,
Työndäy šieldä kirjazie .
A mie tiälä zavlekaičen
Muštašilmie brihazie .
Muštašilmä brihane ,
Šano yksi šanane ,
Šano šuačet ali et ,
Ali aivin nagrannet ?
Udvuornašša kyly palau ,
Mairinašša zvonitah .
Kakši predua regäneniä
Regyzissä čuratah .
Miun varane edähänä ,
Edembiänä Tolmaččuo ,
A mie tulin zavlekaimah
Regäččyö da gorbaččuo .
A kuin miula min’n’a
Oli muštašilmä ,
Liharokkua keitti
Da sinčon alla peitti .
Jätti miun varazeni
Yhtä gor’ua gor’uimah ,
A mie en rubie gor’uimah ,
Rubien virtä laulamah .
Aššun ylči kyliä ,
Naizet milma suuditah ,
A miun muššat šilmäzet
Itkömäh ei ruveta .
Olin boikoi tyttö mie ,
Zal’otkua oli äijä ,
A nyt viijin kargajamah ,
Lekutan vain piällä .
Huomnekšella aivokkazeh
Brigadira kloikottau .
– Midä pidäy brigadira ?
Miula muata himottau .
Kukki mama , vara mama ,
Lašše milma Piiterih .
En mie rubie šalimah ,
Rubien den’gua työndämäh .
Läksin mie kargajamah ,
Karratešša muhahin .
Oman kylän varazen
Vielä eglein unahin .
Miun vara izmeni ,
Duumaiččou mie goreuvun ,
A mie täštä izmenieštä
Enämmäldi koireuvuin .
Šuata , vara , kodih šua ,
Elä šeizauvu krinčalla :
Tätä haukkuu , mama pergau
Raidazella vičalla .
Lihodeika milma nagrau
I miun vara auttelou ,
A mie varazella šanon :
– Milma toine šuattelou .
Častuškoida
Karelian Proper
New written Tver
–