VepKar :: Texts

Texts

Return to list | edit | delete | Create a new | history | Statistics | ? Help

Jevreit peitoči paistah tappua Puavilua

corpus: Biblical texts

Source:
Uuzi Sana, 2003, p. 184

Apostoloin ruavot. Puavilua otetah kiini da suuditah.

Jevreit peitoči paistah tappua Puavilua

Livvi
New written Livvic
12 Huondeksel jevreit peitoči kerävyttih da annettih sana olla syömätä dai juomata, kuni ei tapeta Puavilua.

13 Miehii, kudamat annettih tämä sana, oli enämbi n՚elliäkymmendy.

14 Hyö mendih ylimäzien pappiloin da rahvahan vahnimien luo da sanottih: "Myö annoimmo lujan sanan, emmo ota nimidä suuh, kuni emmo tappane Puavilua.

15 Sanokkua nygöi työ N՚evvokunnan nimes piälliköle, ku häi työndäs Puavilua teijän luo, buitegu tahtotto parembi tiijustella hänen dielon. Myö olemmo valmehet tappamah händy, enne ku häi piäzöy tänne".

16 No Puavilan sizären poigu tiijusti tämän. Häi meni kazarmah, piäzi Puavilan luo da saneli hänele kai.

17 Puavil kučui yhten suanpiällikkölöis da sanoi hänele: "Vie tädä nuordu miesty piällikön luo. Hänel on sanottavua piälliköle".

18 Suanpiällikkö otti nuoren miehen, meni piällikön luo da sanoi: "Kiiniotettu Puavil kučui minun da käski vediä tämän nuoren miehen sinun luo. Hänel on sanottavua sinule".

19 Piällikkö otti nuoren miehen käis, vedi bokkah da kyzyi: "Midäbo tahtot sanuo minule"?

20 Nuori mies vastai: "Jevreit paistih kyzyö sinul, ku sinä tuozit Puavilan huomei N՚evvokunnan edeh, buitegu se tahtos parembi tiijustua hänen dielon.

21 Sinä älä luadei sih, ku enämbi n՚elliäkymmendy jevreidy vuotetah händy peittokohtas. Hyö annettih luja sana eigo syvvä, eigo juvva, kuni ei tapeta Puavilua. Hyö ollah jo valmehet, vai vuotetah sinun sanua".

22 Piällikkö sanoi nuorele miehele: "Älä nikelle sano, gu avait tämän minule". Sit häi työndi nuoren miehen iäres.

Деяния апостолов 23:12-22

Russian
12 С наступлением дня некоторые Иудеи сделали умысел, и заклялись не есть и не пить, доколе не убьют Павла.

13 Было же более сорока сделавших такое заклятие.

14 Они, придя к первосвященникам и старейшинам, сказали: мы клятвою заклялись не есть ничего, пока не убьем Павла.

15 Итак ныне же вы с синедрионом дайте знать тысяченачальнику, чтобы он завтра вывел его к вам, как будто вы хотите точнее рассмотреть дело о нем; мы же, прежде нежели он приблизится, готовы убить его.

16 Услышав о сем умысле, сын сестры Павловой пришел и, войдя в крепость, уведомил Павла.

17 Павел же, призвав одного из сотников, сказал: отведи этого юношу к тысяченачальнику, ибо он имеет нечто сказать ему.

18 Тот, взяв его, привел к тысяченачальнику и сказал: узник Павел, призвав меня, просил отвести к тебе этого юношу, который имеет нечто сказать тебе.

19 Тысяченачальник, взяв его за руку и отойдя с ним в сторону, спрашивал: что такое имеешь ты сказать мне?

20 Он отвечал, что Иудеи согласились просить тебя, чтобы ты завтра вывел Павла пред синедрион, как будто они хотят точнее исследовать дело о нем.

21 Но ты не слушай их; ибо его подстерегают более сорока человек из них, которые заклялись не есть и не пить, доколе не убьют его; и они теперь готовы, ожидая твоего распоряжения.

22 Тогда тысяченачальник отпустил юношу, сказав: никому не говори, что ты объявил мне это.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages