Texts
Return to list | edit | delete | Create a new | history | Statistics | ? Help
Ananie ta Sapfira
Ananie ta Sapfira
Karelian Proper
New written karelian
1Eryäš Ananienimini mieš
yheššä Sapfiranaiseh kera möi omat muat .
2Ošan rahoista hiän peitti , hänen naini niise tiesi šen . Loput rahoista Ananie toi ta pani apostolien eteh .
3Šilloin Petri šano : "Ananie , mintäh annoit šytämeš šaatanan valtah ? Mintäh yritit valehella Pyhyä Henkie ta jätit ičelläš ošan muan hinnašta ?
4Še muahan oli šiun , kuni et myönyn šitä . Ta šiun oltih rahat , kun möit šen .
Mitein šie šuatoit näin ruatua ?Et šie valehellun ihmisie , vain valehtelit Jumalua ".
5Kun Ananie kuuli Petrin šanat , hiän kuatu kuollehena muah . Varuu valtasi kaikki ne , ket kuultih tämä .
6Nuoret miehet tultih ta kiärittih ruumis vuattieh , kannettih še pois ta hauvattih .
7Kolmisen tunnin piäštä šiih tuli Ananien naini , as's'ašta mitänä tietämättä .
8Petri kyšy häneltä : "Šano miula , šilläkö hinnalla työ möitä muan "?
Hiän vaštasi : "Juštih šillä ".
9Šiitä Petri šano hänellä : "Mintäh työ yksissä mielin rupesija kiušuamah Hospotin Henkie ?
Ovella kuuluu aškelie . Ne , ket hauvattih šiun mieš , kannetah šiutki tiältä ".
10Šiinä šamašša naini kuatu Petrin jalkoih ta heitti henken .
Nuoret miehet tultih šiämeh ta nähtih , jotta naini on kuollun . Hyö vietih hänet pois ta hauvattih mieheh vierellä .
11 Šuuri varuu valtasi uškojakunnan ta kaikki , ket täštä kuultih .
Ananie ta Sapfira
Karelian Proper
New written karelian