Texts
Return to list | edit | delete | Create a new | history | Statistics | ? Help
Veselova L’ubov’ , Stroganova Irina . Karielan kežäpruazniekka Lahdessa
Veselova L’ubov’ , Stroganova Irina
Karielan kežäpruazniekka Lahdessa
Karelian Proper
New written Tver
Vielä
talvella Tverin karielaziin luoh tuli ammune tuttava Šuomešta – Elina Hatakka , kumbane jo moni vuotta ruado sekretarina Tverin karielazien ystävin ühükšeššä Šuomešša .Hiän moni kerdua on käünün Tverissä , tundou karielazie .Elina toi hüvän viestin – "Karielan koivuzen " kučutah šuurella jogovuodihizella Karielazin kežäpruazniekalla Šuomeh , kumbane tänä kežänä lieu Lahdessa .
Müö "Karielan koivuzen " laulajat kaikiin rubeimma varuštuačemah .Monet nuoret laulajat opaššuttih šuomen viržilöidä , tahottih luadie hüviä mieldä šuomalazilla tuttaviilla .Boiko mäni aiga , emmä i dogadin , kuin tuli kežä , i läksimä autobuzalla šuureh dorogah .Muata ei tahottan , ajoma veššeläšti , kizaimma da lauloma , da šanelima toine toizella omih azeih näh .Meilä tütöt i brihat ansamblissa ollah karielaziin perehistä , oli midä paissa keškenäh .
Elimä müö 5 kilometrašša Lahdešta pikkarazissa kodizissa , kumbazet oldih srojittu šuurella goralla .Täššä kohašša oli äijä puuda , alahana - Vesijärvi .Tämä kohta šanuočöu Messilä .
Toissa päivänä müö kaikiin šuoričima parahih karielan kos’tjumoih da läksimä ajamah Lahdeh .Enžistäh müö tulima linnan keškuštah , kunne keräüdü äijä rahvašta .Tuldih miän hüvät tuttavat : Tapio Mustonen , Elina Hatakka , Leena Joki .Kaikilla müö lauloma karielast’a da šuomalast’a virtä .Šuomalazet veššeläšti priimittih meidä .Šieldä müö läksimä Isku-Аreenah , missä oli šuuri koncerta .
Isku-Аreenan luona oli luajittu "Karielan külä ", kumbazešša oldih ožutettu kaikki külän ruavot : ket tahkottih kossua , ket šivottih vaštoida .A keššellä "küliä " müö lauloma karielazie viržie .
Ildazella kaikiin keräüdümä üheššä , šanelima omih mielih näh , lauloma karielazie i veniäläzie viržüzie miän šuomilaizilla tuttavilla varoin .Tuli mieleh , što müö olemma üksi šuuri pereh , ka kuin oli meilä veššelä !
Päiväne vielä ei laškiečennun , i müo läksimä alah gorašta , missä elimä , kaččomah šuurda järvie .Berjogarandua müöt’ lapšet kizattih miäččuh , oli äijä rahvašta da kaikenmuozie vanhoida i nügüzie venehie .Järelläh aštuoss’a pagizima , što vet huomen miänomalla Innalla lieu šünnündäpäivä , kumbazen hiän viettäü ei omašša koissa , a Šuomešša , dai vielä meinke kaikinke !Müö keräimmä hänellä varion šuuren bukeitan kukkua , i kaikiin miänomat tütöt i brihat šaneldih Innalla omie lämbümie šanoida .A pühänpiänä müö nouzima aivion i pozdruavima vielä i Antonina Mihailovnan , hänellä tože oli šünnündäpäivä .
Kolmandena päivänä pruazniekkua oli marši .Kaikiin , ket oldih tullun karielan pruazniekalla , keräüvüttih šuurella ploščädilla .Šieldä rahvaš lähtiettih aštumah Isku-areenah päin .Konža müö kopittima , lauloma virtä .Kaikkie enemmän lauloma "Huomneš zor’alla ", kumbane kaikilla mieldü .
Rahvahalla oli ženmuone pruazničnoi nastroen’ja , što äššen vihmalla ei šuanun ajua pois’ karielazie , kumbazet tuldih kaikešta muailmašta tällä pruazniekalla nägiečmah i šanelemah omah eländäh näh .
Mie duumaičen , što kaikilla tämä pruazniekka jätti hüviä mieldä i viikokši jiäü muistoh .
Karielan kežäpruazniekka Lahdessa
Karelian Proper
New written Tver