Texts
Return to list | edit | delete | Create a new | history | Statistics | ? Help
Suhanova Ol’ga. Karielazet vaštuačettih Sandovalla
Suhanova Ol’ga
Karielazet vaštuačettih Sandovalla
Karelian Proper
New written Tver
Karielan
kul’turan jogovuodine festivali "Vaštuačenda tverin karielazissa " tänä kežänä ägienä ijul’an päivänä kučču gost’at Sandovah Tverin oblastista , Mari El Tažavallašta i Šuomešta .Sandovozet vaššattih hüvin !Edizeh kaikin maršittih pos’olkan keškuštah , missä zavodieči pruazniekka .Nerokkahat emännät rajonoista tuodih kaikenmuozie piiraida i juomizie , kaikkie voičči pruobuija .Sinizen taivahan alla kajakkah kuuluttih virret i častuškat .Oli šuuri koncerta ."Ka ollah karielazet molodčinat – ei vet unahettu omua kieldä i istorijua !
Muissetah omat juuret !"– paistih sandovozet keškenäh .
Muuten Sandovalla ei kuulu karielan kieli , a monilla heistä ezivanhemmat oldih karielazista .
Rajonan vanhembi Marina Tihomirova tervehütti festivalin gostie .Sandovozet šuatah omua randua – že tundu monešša aziessa .On heillä harvinainen čolin muzei , kumbazešša šanellah , što paččahat tuodih Sandovalla karielazet .Muissetah hüö karielast’a Prokoppa-dieduo – enžimästä čolin kaččojua .
Nikolai Turičev , tverinkarielazin Avtonomijan preda , toivotti tervehüttä kaikilla i omissa šanoissa muissutti , što nelliä šadavuotta ennen karielazet piäštih Tverin mualla Sandovan kautti .
"Terveh tulgua enžikežänä karielan kul’turan festivalih toizena päivänä avgustua , kumbane lienöü Molokovašša !"- kučču Nikolai Turičev kaikkie , ket oldih koncertašša .
Karielazet vaštuačettih Sandovalla
Karelian Proper
New written Tver