Texts
Return to list | edit | delete | Create a new | history | Statistics | ? Help
Gromova Ljudmila , Turičev Nikolai , Turičeva Zoja . Aleksandra Vasiljevna Punžina - tverinkarielan kielen šanakirjan luadija
Gromova Ljudmila , Turičev Nikolai , Turičeva Zoja
Aleksandra Vasiljevna Punžina - tverinkarielan kielen šanakirjan luadija
Karelian Proper
New written Tver
Aleksandra Vasiljevna Punžinalla , tunnetulla karielan
kielen tutkijalla , täüdü 80 vuotta .Tverilazet hüvin tietäh Aleksandra Vasiljevnua Karielan kielen šanakirjan luadijana .Hiän keräi šanoida tverinkarielazissa külissä monie vuožie .
Šuuri elännän ruado – šanakirja , kumbazešša on 17000 šanua , viidi v .1994.
A .V .Punžina šündü 20.maja vuodena 1934 Kalininašša (nüt Tveri ) karielazešša pereheššä .Pereh oli rodom Tolmačun rajonašta .Hänen tuattoh Vasilij Ivanovič oli Kurginalda , a muamoh Jevdokija Feoktistovna šündü Spornoi-hutoralla Tolmačun luona .Vuodena 1941 pereh tuli Kalininašta elämäh Tolmaččuh .Aleksandra i hänen velli opaššuttih Tolmačun školašša .
Vuuvešta 1953 Aleksandra Vasiljevna eläü Karielan Tažavallašša .Loppehuoh Petrozavodskan universitetan v .1966 hiän rubei ruadamah Kielen , literaturan i istorian institutašša Petrozavodskašša , kirjutti dissertacijan karielan kieleh näh .
Aleksandra Vasiljevna moni kerdua oli tullun Tverin mualla keriämäh karielan paginua .Monissä külissä hiän oli Šuomen tiedomiehen akademikan Pertti Virtarannanke da hänen naizenke Helminke .Hiän autto Virtarannalla valmistua kirjutukšie kniigoih varoin .Üksi niistä , kummast’a tietäh tverinkarielazet , on kniiga "Kauas läksit karjalainen ".
Toine šuuri Aleksandra Vasiljevnan ruado oli – D .V .Bubrihan "Karielan kielen murdehin atlassun " luadimine .Hiän käveli i kirjutteli rahvahan paginua kuvvešša Tverin oblastin küläššä .Konža vuonna 1997 "Atlassun " painettih , tuldih nägüvillä kaikiin karielan murdehin erot .Müöhemin v .2001 Aleksandra Vasiljevna kirjutti kniigan "Kuundelen karielast’a paginatabua ", kumbazešša voit tunnuštuačie , kuin paissah karielazet Zubcovan rajonašša D’oržan joven rannalla . Lizäkši Aleksandra Vasiljevna šinä vuodena kiändi tverinkarielakši kniigan "Iisusan eländä ".
A .V .Punžina autto opaštua meilä karielan kieldä : vuuvešta 1998 vedi seminaroida opaštajilla varoin Lihoslavl’an pedučiliščašša .Hiän opašti karielan kieldä studentoilla Tverin universitetašša vuožina 1999-2000.
Šanomma šuuren passibon Aleksandra Vasiljevnalla hänen hüväštä šuurešta ruavošta !Toivotamma ülen hüvia tervehüttä , hüviä pitkiä eländiä i vägie kirjuttua vielä moni kniigua miän karielan kieleh näh .
Aleksandra Vasiljevna Punžina - tverinkarielan kielen šanakirjan luadija
Karelian Proper
New written Tver