Texts

Return to review | Return to list

Opaššumma karielan kieldä

history

October 05, 2023 in 15:05 Нина Шибанова

• created the text
• created the text: Karielan kieldä opaššutah i vanhemmat i nuoremat. Tverinlinnašša voit käüvvä kursuloih Tverin oblastin Gor’koin bibl’otekkah, kumbazet ruatah kerran nedeliss’a šügüžüštä šuat. Opaštajana on nuori naine Irina Stroganova, Tverinkarielazin nuorin NKA otdelenjan vanhembi. Hiän on karielane, šündü Puasinkoin küläššä Spiirovan rajonašša. Irina hüvin pagizou karielakši, koissa lapšena hiän pagizi vain omalla kielellä. Hiän opaštu pagizemah vanhemmilda, osobo Van’a-diedolda da Dun’a-buabolda. Irina valmisti avukši kirjazen ”Miun enžimäzet 100 šanua karielakši” v. 2012. Hiän ruadau kursuloissa jo moni vuotta. Mie mänin kursuloih, štobi tunnuštuačie ruadoh i šanella tverinkarielan kirjakielestä. Opaštumašša oldih nuoret tütöt i vanhemmat. Pagizima karielan kielen murdehista, lugima runoloida erilazilla murdehilla almonahašta ”Taival”: Z. Dubininan, A. Volkovan, V. Veikin, L. Barhatovan, S. Tarasovan runoloida. Kaikilla kuundelijoilla ollah karielazet juuret, žentän i tahottau paissa omalla kielellä. Aleksandr Bel’akov on rodom Tresnašta päi, hiän on kakšikieline, pagizou hüviin, tahtou lugie i kirjuttua. Tundu, što opaštujat i opaštaja šuatah karielan kieldä i mieleheldi ruatah üheššä. Karielan kieldä kursuloissa voit opaštuo Lihoslavl’an karielan istorijan muzeissa, Tolmačun bibl’otekašša. Molemmissa paikoissa opaštajana ruadau Jevgenija Ivanovna Svetogorova.