Texts
Return to list | edit | delete | Create a new | history | Statistics | ? Help
Gromova Ljudmila . Hienon piiruan pruazniekka Tolmačušša
Gromova Ljudmila
Hienon piiruan pruazniekka Tolmačušša
Karelian Proper
New written Tver
Čirone
rubei paistamah jo huomnekšešta , taivaš oli kuin rieška maidone .Augustan kežäpäivä toivotti hüviä .Tolmačušša enžimästä kerdua pruaznuidih ülen magieda hienon piiruan pruazniekkua .Hieno piirua hormiksi šanuočou "kalitka ".Tolmaččuvozet vaššattih gostie kaikella šiämellä .Rahvašta tuli läheizistä linnoista i küliistä .Šomennettu vanha stadiona oli täüži .Vaššattih tulijoida tüttözet venkazissa .Ümbäri oli äijä pienie laukkoida , emännät tarittih mettä , puujuablokast’a , varenjua , šualattuo ogurčua , pomidorua i kaikenmuost’a piiruada .
Koncertua kundelemah keräüdü rahvašta scenan edeh .Tverinkarielazin avtonomijan puolešta tervehyttä šano Nikolai Aleksandrovič Turičev .Laulettih ansamblit Toržkušta , Kalašnikovašta , Lihoslavl’ašta , tancuidih lapšet .Karielast’a runolijua Stanislav Vasiljevič Tarasovua kuunneldih mielelläni .Hiän lugi omie runoloida , šiinä luvušša "Vanhat pruazniekat ", kumbane ves’ma šobii täh päiväh .Oldih pruazniekalla i kirjuttja prozua Nikolai Mihailovič Balakirev , monie karielazie viržilöidä kirjuttannut Anatolij Ivanovič Mališev , karielan kielen specialistat Ludmila Georgijevna Gromova , Zoja Aleksandrovna Turičeva , Jevgenija Ivanovna Svetogorova , Taisija Vasiljevna Kud’akova .
Pruazniekka laulo , šoitti , kargai .Parahat emännät , kumbazet paissettih piiruat parahittain , šuadih prizat i kiitokšet .Vaštuačettih vanhat tovarissat , kumbazet ei nähtü toine toista vuožiloin .Pruazniekka loi hüviä mieldä hengellä .Passibo pruazniekan valmistajilla – Lihoslavl’an rajonan administracijalla .Tänä vuodena pruazniekka lieu vielä šuurembi .Tulgua tervehenä 20 avgustua Tolmaččuh hienon piiruan pruazniekalla .
Hienon piiruan pruazniekka Tolmačušša
Karelian Proper
New written Tver