Texts
Return to list | edit | delete | Create a new | history | Statistics | ? Help
Nikolai Lokki. Kiinalazien viizahus. 2
Nikolai Lokki
Kiinalazien viizahus. 2
Livvi
New written Livvic
NUORUS
DA VAHNUS
Vahnus perehes on kuldua kallehembi .
Gu vahnat ei kerrota mennyzis ajois , tulijoile sugupolvile ei ole novvettavua nuorua .
Konzu ristikanzal on piäl kuvvenkymmenen , hänel ei pidäs lähtie loitton koispäi .
Vahnu da viändynyh puu ei enämbiä oigene .
Pitkät kulmukarvat ei voija peittiä pitkiä pardua .
Konzu ristikanzu on nuori , ei hänen syväin ole pieni ; konzu ristikanzu vahnenou , ei hänen syväin vahnene .
Gu tahtonet eliä vahnassah , pyzy hyvänluadijannu .
Huolehtii vahnenou , nagraju nuorenou .
Ristikanzu varuau vahnuttu .
Vahnat kunnivoijah vahnoi , nuoret – nuorii .
Vahnan askel on vagavu .
Ezmäi vahnembat , sit vai lapset .
Gu pieni lapsi varuas kuadumistu , ei häi opastus kävelemäh .
Kolmevuodine opastau viizivuodistu .
Nuoret kačotah tulieh aigah , vahnat tarkastetah mennytty .
YSTÄVYS
Uuzi ystävy ku uuzi tie , uuzi vihažniekku ku uuzi seiny vastah .
Rahua on kebjei suaha , ystäviä vaigei löydiä .
Älä käytä omah hyvyöh dovarišan akkua .
Konzu gost’at lähtietäh iäre , kodilazet hypätäh keittämäh čuajuu .
Gu lienne pitkän aigua et näe kaverii , vastavuksen aigah kačot häneh "uuzil silmil ."
Tozi ystävys on korgiembi virgutazuo .
Muailmu on täyzi tuttavii , ystävii vai vähättävy .
Matkal tavattu ei vie ole ystävy .
Kudai äijän pagizou , puaksuh riidelöy , kudai kadehtiu nerokkahii ei päi lähimäzekse ystäväkse .
Ei ystävinny ilmai riidoi roita .
Ei pie ystävien keskes paista den’goih näh , se voi vahingoittua sovun .
Uvvet sovat čomembat , vahnat ystävät parembat .
Tozi ystävys ei jiädy pakkazes .(Tämä on kanzoinväline sanondu .)
RAHA DA KAUPPU
Konzu tavarua on vähä , se roih kallis .
Konzu ostat hebuo , tutki sen sugupuudu .
Ei lambahan nahkua voi hukan piäle liimata .
Konzu velgu on maksettu , on helpo ottua uuttu .
Hyvä on kallis , huono huovis .
Kuldua vaihtetah vai kuldah .
Ei hengitysty rahal osteta .
Raha da bohatus ollah gu höstyöt , hyvys da oigevus tuhanden kulduden’gan arvozet .
Ei kuldu ole arvokas , vai sovukas pereh .
Ei rahal kunnon miesty osteta .
Kuduas talois on pietty svuad’bua puolekse vuvvekse tulou nällän hädä .
Raha da bohatus suvun hajoitetah .
Ei rahal toivuo osteta .
Omistai on ainos oigei .
Rahua käytetäh , vezi virduau .
Enzikse den’gat , sit vai risikanzu .
Konzu ristikanzu ei maltane muhista , hänel ei pie avata laukkua .
Kiinalazien viizahus. 2
Livvi
New written Livvic