Texts
Return to list | edit | delete | Create a new | history | Statistics | ? Help
Gromova Ljudmila . Igä elä – igä muissa
Gromova Ljudmila
Igä elä – igä muissa
Karelian Proper
New written Tver
Tänä
vuodena täydy 400 vuotta , kun karielazet lähtei pagoh Veniällä švedoista , kumbazilla Stolbovan dogovorua myöt’ jäi Korelan linna i Korelan ujiezda .Švedat kielletih pruavoslavnoida uššondua , noššettih nualogat .Uidi pagoh läššä 30 tuhattua karielazie .Äijä tuli i rubei elämäh Biežečkän mualla .Šuat vuožie karielazet eletäh hormilla keššeššä .Tverin mua lieni heilä oma .Karielazet šäilytettih omat tavat , vanhembi pokona pagizou karielakši , on kakšikieline .Tverinkarielazet kirjutetah omalla kielellä , kuin i karielazet Karielan Tažavallašša i Šuomešša .Tänä piänä karielan kieli ei ole vägovä , pagizijoin lugu vähenöy .18.-19. maja Lihoslavl’ašša oli šuuri konferencija , kumbane keräi yhteh läššä 500 rahvašta : tiedomiehie Tveristä , Piiteristä , Moskušta , Karielan Tažavallašta , Šuomešta , Belorussijašta .Varuššettih konferencijan Lihoslavl’an rajona , Tverinkarielazin NKA , Tverin universitetta .Plenarin avai Natalija Vinogradova , Lihoslavl’an rajonan piä , vistupaidih : Nikolai Turičev , Tverinkarielazin NKA preda ; L’udmila Gromova , Tverin linnan NKA preda .
Konferencijalla oli Tverin oblastin gubernatora Igor’ Ruden’a , Karielan Tažavallašta – nacional’noin politikan ministra Andrei Manin , ministran zamestitel’a Jelena Migunova , lehen da muzein ruadajat , tiedomiehet .Šuomešta oldih Tverinkarielazin ystävien yhykšeštä preda Ari Burtsoff da muut , tiedomiehet Šuomen universitetoista .Dokluadat (kaikkiedah - 50) on painettu i ne voit lugie kniigašta .
Igor’ Ruden’a hyväkšy Lihoslavl’an rajonan uuven proektan "Mämmino ", kummast’a ohjuau rajonan piä N .N .Vinogradova .Gubernatora toivotti kohendua rajonan dorogoida .Hiän uškou täh projektah .Medvedičan rannalla srojitah karielazen kul’turan keššykšen , missä rubieu voimah nähä karielazin elännän argipäiviä , tiijuštua karielazin taboih näh .Proekta keriäy yhteh ristikanžat , kumbazet autetah šäilyttiä karielan kul’turua i kieldä .
Vuuven 2017 aloh Tverin mualla oli kaikenmuost’a pruazniekkua , koncertua , seminarua , kumbazissa rahvaš tunnuštuačettih omah kul’turah , kuunneldih i paistih omalla kielellä .Passibo Karielan Tažavallan karielazilla , kumbazet tuodih Lihoslavl’ah 20.-21.okt’abr’ua ylen šuuren karielan kul’turan pruazniekan .
Igä elä – igä muissa
Karelian Proper
New written Tver