Texts
Return to list | edit | delete | Create a new | history | Statistics | ? Help
Paušin Šan’uu. Kuulen omad paginad- marafonan tuloksed
Paušin Šan’uu
Kuulen omad paginad- marafonan tuloksed
Ludian
New written Ludian
Muloižes
vuodespiä on d’o alganu projekt , kudamas Kielen , literatuuran da hištorijan tutkijad luaditah vepsän da kard’alan kieliin Iänenkorpussad , i se korpus on azuttu VepKar-korpussah .Iänenkorpusan piätuloksen on muga sanottu Audiokart , kudamah on d’o ližattu enamb kaheksakymment kieliozuteste , vepsän da kard’alan dialektoil .Ned kieliozuteksed myö käräžim iče keradomatkoin aigal , mugažo löydim meiden instituutan Iänenarhivapiä .
Täl vuodel myö organizuičim Marafonan , moižen pidon , štobi Kard’alan Tazavaldan , Tverin , Vologdan , Piiterin da Murmanskin alovehilpiä , kuz eletäh kard’alaižed da vepsäläižed , kerätäiš kielenozuteksed vepsän libo kard’alan kielel .
Meiden Marafon oli omistettu kahdele kuulužile da arvostetuile tutkijoile – Grigorii Nikolaivič Makarovale da Matvei Mihailovič Hämäläižele .Marafon avaidui – pakažkuun 23.päiväl – i se oli sidottu Grigorii Nikolaevičan tazaiganke , a marafonan loppu oli – ligakuun 7.päiväl – Matvei Mihailovičan Rodindpäiväl .
Marafonah otettih vuitin yhteheže 23 vuittinottajad Petrouskoispiä , Anuksenlinnaspiä , Videlespiä , Dessoilaspiä , Tverispiä , Piiterispiä i muga edelleh .I yhteheze myö saimme 24 kard’alan kielen ozuteste i 6 vepsän kielen ozuteste .
Ezmaižen kieliozuteksen myö saimme D’essolaspiä d’o tuhukuus , orazkuus myö saimme äi kieleozuteste opastujil .I sid kezal toižedgi vuitinottajad tuldih aktivižembakš i dälgimäi työtih omad kieliozuteksed .
Kielenozutuksen teeman oldih starinad omas ičes , omas elaigas , omas perehes , omas derein’as , derein’an eläjiis , tabois .Erähäd vuitinottajad työttih meile kaks’-kolme ozuteste , kudambad oldih otettu eri informantuoilpiä .Parahad kielenozutuksed kielen azijantiedajad siid ližatah Audiokartah .
Meiden Marafonan voittajikse on tulnu :
Opastujin d’oukos voittajad oldah Valeria Grafova , Al’ona T’ullinen (Novoselova ), Tatjana Pavl’uk da Sofia Zaharova ;
Kard’alan kiel’ - nominacijas voitettih Valentina Libercova , L’ubov’ Pavlova da Antonina Rossieva ;
Vepsän kiel’ - nominacijas voitettih Maksim Kuznecov , Nina Nazarova da Irina Smirnova .
Sežo voittajikse on tulnu Pertrouskoin veteranoin kodi da Oma mua-lehten redakcii Rameškoispiä .
Marafonan piäarvanduksen oli säilytä kard’alan da vepsän kielen eriluadužus , rikkahuz .Kaikin kielenozutuksin fragmentad myö siid ližadamme Audiokarttah .Vie myö ylen äijäl tahtom , štobi kard’alan da vepsän kieliin dialektoin Audikartal oliš ližätty vie enamb kard’alaižiin da vepsäläžiin kyliin paginozutuste .
D’ogahine vuitinottai suau diploman da meiden instituutas painetun kniigan , a voittajad suadah vie pienen palkičuksen .
Myö vie kierdan kiitamme kaikiid vuitinottajiid i tervehtamme kaikiid Marafonan voittajiid !
Kuulen omad paginad- marafonan tuloksed
Ludian
New written Ludian