Texts

Maman mustelut voinanjälgehizes elaijas

October 26, 2023 in 19:51 Александра Родионова

created the text
created the text translation
created the text: Konzu suomizet lähtiettih pagoh, hyö poltettih kai koit hierus. Yksi vai jäi seizomah. Paloigi meijän kodi. Häi sildaa vaste seizoi. Taatto mečäs riiči barakan da parret työndi matkaamah jogie myö kodih päi. Taattaa otettih kiini puoleh vuodekse, mikse kyzymättäh riiči barakan. A se jo oli myöhä aigu, sygyzy. Jogi rubei kylmämäh. Sit maamo lähti hieruu myö pokoroimahez. Autakkaa raukku, saaha parret rannal. Mi oli miesty hierus, kaikin tuldih abuh. Parret saadih rannal. Kuni nostettih kodii, elettih susiedölöi Savkan suures perehes. Passibo suuri kaikil, ken sil d'ugiel aijal tuli abuh. Rahvahal eigo olluh liigaa sobaa, eigo olluh syömisty, no oli pehmei sydän da tahto auttua toine toizel joga dielos. Nikonzu ei olluh hoppuu da vihaa, elettih sobuh susiedoinke, muga maamo musteli. Maamo ičegi oli ylen pehmeisydämelline da rahvahansuvaiččii, hil'l'aine.