Texts
Return to list | edit | delete | Create a new | history | Statistics | ? Help
Kobelev Grigorii . Myö mustammo heidy
Kobelev Grigorii
Myö mustammo heidy
Livvi
New written Livvic
Tämä
sanelmus on hyväs ristikanzas , kudai kogo oman elaijan andoi perehele da ristikanzoin tervehyön parandamizen rakkahale ruavole .
Minun pruavodied’oi Markov Ivan Stepanovič rodivui pakkaskuun 28.päivänny vuvvennu 1892 karjalazes perehes Anuksen gubernien Gerpelä - kyläs .Pereh oli suuri : tuatto , muamo da nelli lastu .
Tuatto , Markov Stepan Jakovlevič , oli bohattu muanruadai , kalastai , pidi omua laukkua da kävyi myömäh kai Piiterissäh .
Muamo , Markova (Melkujeva ) Anna Ivanovna , kazvatti lapsii da oli emändänny kois .
Alguopastuksen Ivan Stepanovič sai kirikön prihodan školas , kus opastui ylen hyvin .Sen loppiettuu piäzi opastumah Petroskoin feršaliloin opistoh , kudaman loppi kiitettävästi .Ylen hyväs opastumizes händy palkittih kallehel lahjal – oftol’moulogan apparuatal .
Petroskois opatujes Ivan Stepanovič tuttavui oman tulien mučoinke – Jelena Aleksejevna Orlovanke , kudai sih aigah opastui Linnan jeparhial’nois opistos .
Opiston jälles Ivan Stepanovič tuli ruadoh Alavozen ambulatourieh .Žiäli vai , ku hänen ruavon algu azetui sen periä , ku rodih I Muailmanvoinu .Ivan Stepanovič oli kučuttu Severniiflotale .Häi sluuži sanitarnois junas , kus liečittih ruanittuloi da voimattomii saldattoi .Sanitarnois junas ruadajes häi tuttavui Ven’an muan jälgimäzen tsuarin Nikolai I Ol’ga da Tatjana tyttärienke , kudamat ruattih samas junas armahtussizärinny .Vuvven 1917 vallankumovuksen da I Muailmanvoinan loputtuu pruavodied’oi tuli kodih da meni naimizih Е .А .Orlovanke .Heile rodih viizi lastu : Iivan vuvvennu 1918, Anastasija vuvvennu 1919, Niina vuvvennu 1922 (minun buabo ), Leonid vuvvennu 1924 da Pavel vuvvennu 1927.Pidäy sanuo , ku heijän pereh oli opastunnuzii ristikanzoi , mi oli ylen harvu sih aigah .
Pruavodied’oi jatkoi ruaduo Alavozen ambulatouries .Kylän rahvas arvostettih da piettih händy kunnivos sentäh , ku häi oli pädevy spetsialistu da hyvä ristikanzu .Oli kerdoi , konzu kyzymäh abuu rahvas käydih kohti hänen kodih .
Hyväs ruavos Ivan Markov sai put’ovkoi sanatourieloih da vie vuvvennu 1935 oli palkittu Ruadairahvahan tervehyön väzymättömän parandajan - kiitändykirjazel .
On ylen žiäli , ku 1930-vuozien lopuškan repressiet ei mendy ni meij än perehes siiriči .Kylmykuun 6.päivänny vuvvennu 1937 "rahvahan vihaniekannu " pruavodied’oi "otettih ".Hänes ei olluh nimidä viestii ylen hätken .Vaste vuvvennu 1958 pereh sai tiediä , ku Ivan Markov kuoli pnevmonijah kylmykuun 22.päivänny vuvvennu 1943.Jo samannu vuvvennu häi oli reabilitiiruittu surman jälles .
Minun pruavodied’oin elaigu oli täyzi kaikenmostu tapahtumua .Häi ei olluh muanivomies , ga sai äijän kestiä oman eloksen aigua da ainos oli kunnon ristikanzannu .Häi eli lyhyön , ga sentäh arvostettavan eloksen dai myö olemmo hänen jällil .
Myö mustammo heidy
Livvi
New written Livvic