Texts

Return to review | Return to list

L’eikkaw

history

November 23, 2023 in 16:59 Нина Шибанова

• created the text
• created the text translation
• created the text: Tulow l’eikkavo, kiireh aiga? Nu ka, ruis’ kun ker’giw, eižis’t vet’ hein’i ubraijah, hein’ät. Šilloin oldih puun’at, puun’ih ved’imm, heinii pan’imm. Rugloih panemm, a rugloist vejämm kod’ih. Jo kuivumm sovs’em i vejämm kod’ih. A ruis’t l’eikkuamm snoppih, snoppi šeiz’attim kuul’hih, a kuul’aš on kymmenen snoppua, kymmenen snoppua i kuul’aš. I šeiztat viiz’ kuul’ašt yhteh i kymmenen kuul’ašt yhteh, štob ois’ lug. Kuin on viiz’ kuul’ašt i kymmenen kuul’ašt, yhtee šeiz’attim. Kagru tož samii, tož kuul’ahih šeiz’attim. Snoppih šivomm, kuul’ihih šeiztamm, a šid’ snopist i vejämm kod’ih. Kagrua äijiingo snoppaz’iin pan’ija? A kagru tož kymmenen snoppua, daa. Kagru šen’in šeiz’attim vet’, yhel’l’ pualell viiz’ snoppuu i toiz’ell pualell viiz’ snoppu i l’iäw kymmenen snoppua. A ruista i kagrua yht’eh rukah šeizattija? Ei, ruis’t toizeh luaduh šeiztettih. Ruis’t ka katkut snopan, šid krugom panet tiäl’d päin snopan i tiäl’d päin, a šiid tiäl’d päin snopan. A šid viäl’, da, krugom a šid kolpkan ruavat hänel’l’. Kymmeneš ol’ kolpakk, da. Ka šen’iin. Pelvašt tož, d’er’immä, šilloin vet’ käz’il’öil’l’ d’er’imm, d’er’imm snoppih. A šid’ i šeiztamm tož kymn’iin snopz’iin, šeiztamm. A pelvašt kolot’t’im kaikk käz’il’öil’l’, toltuškoill. Tok kuin puimzen loppiitah i šantah: «Miwl huamen pomolotkat, kaikk puimin’, pidäw pais’tu hos’ kakrua al’ mid’ viäl’ pais’tua». I ka pais’tah, a ken mož i čekuškzen tuaw. Toin’e toizella awtettihgo ruadua sus’iedat? Awtettih, awtettih. Tok talghoh käwdih, ken ei, ei kel’l’ ollun. Muwven zabal’eit il’ mid, ei šua ičel’l’ l’eikat, načit talghoh käwdih ii ruis’t l’eikkumah al’ pelvašt d’er’mäh, awteldih, toin’ toiz’ell awteldih. A šid’ä i vaštah tullah jo awttamah? A šid’ i vaštah, ken šiäl’ končiw, i awtetah. Herneht vet’ i, ubraidih kiir’hettih ubraiji, štob herneh vihmah ei ožawduis’. Jesl’i d herneh vihmah ožawduw, to hin uid’iw kaikk šub. Palg avawduw i uid’iw kaikk šub, i händä staraičičettih kunna but’t’en pomeššen’jah vediä. R’iiheh i r’iihen piäl’l’ noššettih il’i puun’ih. Ka šen’iin herneht ruavettih. A kuin händ’äh puidih? A puidih br’iužoill, šilloin kaikk br’iužoill puidih, ammuin. A inač kuin viäl’ puiji? Br’iužoill!