Texts
Return to list | edit | delete | Create a new | history | Statistics | ? Help
Kut živatad tal'vduba?
Kut živatad tal'vduba?
Veps
New written Veps
Tal’vel
erased živatad magadaba , a toižed eciba sömäd da varastaba lämäd kevät .Mecas ei ole heinäd , järved da joged oma jäs .Kut -žo mecživatad eläba tal’vel da midä söba ?Erased vajehtaba karvad lämembaks , toižed paneba varha sömäd völ kezal .Oma -ki živatad , miččed kogonaižen tal’ven kül’mäba da eciba ičeleze sömäd .
Händikaz
Händikaz ei varaida pakašt .Sil om hüvä da läm’ karv , mitte tal’vel tegese völ lämembaks .Händikaz om lujas näl’ghine tal’ven aigan , sikš lihansöjad ühtneba gruppoihe , miše oliži kebnemba mecata ‒ tabata hirbed , mecsigad vai tošt živatad .
Reboi
Reboi tal’vel eläb üksnäze .Päiväl da ehtal se mecadab jänišid , hirid , tuleb külihe , miše löuta kanoid .A sid’ venub magadamha lumes da katase ičeze čomal händal .Urus se magadab erašti .
Hirb'
Hirb’ tacib ičeze sarved tal’vel .Uded sarved kazvaba vaiše kezan augotišeks .Tal’vel hirb' söb kor’t da pun oksid .Se navedib pedajad da habad .Veden sijas hirb’ söb lunt .A pit’kad jaugad abutaba živatale joksta übusidme händikahilpäi .
Mecsiga
Tal’v om kaiked jügedamb aig mecsigan täht .A ku tal’vel om äi lunt , se om völ jügedamb , sikš ku mecsiga ei voi löuta lumen al jurid , dubmunid .Mecsigale om jüged kävuda , sikš ku lujas lühüdad jaugad kaiken aigan uptaba lumehe .Konz irdal om pakaine , mecsigad voiba peittas heinkegoihe , miččed jäba pöudoile tal’veks .
Orav
Tal’vel hüvin eläba ned živatad , miččed paniba varha sömäd .Ozutesikš , orav kaiken aigan hüvin vaumičese viluks säks .Se paneb varha babukoid da pähkmid .Mugažo oraval om terav riža .Se rižab eskai käbuid , miččed oma lumen al .
Neglik
Neglik mugažo vaumičese tal'veks edelpäi .Völ sügüzel se kandišeb penzhan alle lehtesid , samlod i heinäd , keradab kaik keraks i magadab siš lämihesai keväden päivihesai .A konz avaidab sil’mäd , lähteb ecmaha sömäd .
Jäniš
Miše peittas tal’ven pakaižišpäi , jäniš tegeb ičeleze urud lumes .Päiväl se magadab , a öl lähteb sömha .Vaiše löuta sömäd tal’vel jänišale om jüged .Jänišal oma teravad hambhad , miččel se , kut raudaižel , čapab kor’t .Erašti jänišad voiba tulda linmale sömha heinäd vai kapustan jurid .
Hir'
Kezan lopus da sügüzel hired lähteba sijoihe , kus om sömine .Ozutesikš , ristituiden pertihe , varažomihe .Ned voiba joksta sügüzel 3-5 kilometrad .Paksus hired tal’vduba heinkegoiš da mecas .Kevädel hired pördihe tagaze – pöudoile , saduihe da linmale .
Pirdi Ol’ga Demidova
Kut živatad tal'vduba?
Veps
New written Veps