Texts
Return to list | edit | delete | Create a new | history | Statistics | ? Help
Seppänen Tatjana . Priäžäläine urhomies. 2
Seppänen Tatjana
Priäžäläine urhomies. 2
Livvi
New written Livvic
Pakkaskuul
vuvvennu 2024 rodieu 100 vuottu Nevvostoliiton urhomiehen Marija Melentjevan roindas .
Marija Melentjeva oli roinnuhes 24.pakkaskuudu vuvvennu 1924 Priäžäs muanruadajan pereheh .Hänen tuattah Vladimir Averjanovič Melentjev oli Ruskei Priäžy -kolhozan bragadierannu , sit sen johtajannu .Muamo Jevdokij a Andrejevna ruadoi kolhozas .Hänen enzimästy ukkuo Zahar F’oudorovič Petunovua tapettih vuvvennu 1919 valgosuomelazet Piiterin lähäl .Jevdokija Andrejevnal jäi poigah Puavil , kudai oli viitty vuottu vahnembi Marijua .Perehes oli viizi lastu : Puavil , Marija , Aleksandra , Galina da Valentina .Marija oli vahnembannu sizäris da kui joga muanruadajien perehes oli omien pienembien sizärien kaččojannu .Mariika , nenga sanottih händy omat , kazvoi hil’l’annu da tervehenny lapsennu .Hänen luondehen parahat ominažuot kehityttih vie lapsusaijas omas perehes : hyväntahtožus , eloksensuvaičus , kunnolližus , ahkerus , perävymättömys .
MARIJA MELENTJEVAN TUATTAH
Marija Melentjevan tuattah Vladimir Averjanovič Melentjev oli roinnuhes Priäžäs vuvvennu 1896.Mies oli karjalaine .Maltoi kirjah , loppi kirikköprihodan školan kaksi kluassua .Omas lyhyös elaijas (kuoli häi 1956 vuvvel 60 vuvven ijäs ) hänel puutui äijy midä kestiä .Häi oli Ruskien armien saldatannu Kanzallizen voinan aigah , puolisti Piiterii Judeničan sodajoukkolois da piästi Nevvosto-Karjalua interventois .Ižänmuallizen voinan aigah händy otettih armieh Perovo-linnah Moskovan alovehele , ga voimattomuon periä vuvven 1943 sygyzys Vladimir Melentjev oli perehenke evakos Rešma-kyläs Ivanovon alovehel .
Hänen kai elaigu oli kiini muanruadajan jygies ruavos .Häi oli tavallizennu kolhozniekannu , sit vuozinnu 1939-1940 oli Uuzi taival -kolhozan johtajannu , toiči hänel pidi toimiegi Ruskei Priäžy -kolhozan piälikön virras , da evakosgi olles mies ruadoi kolhozas .Konzu Karjal oli piästetty vihollizes kezäl 1944, Vladimir Melentjev tuli Priäžäh da uvvessah rubei ruadamah omal rannal jygielöi ruadoloi kolhozan ruavon endizeh kundoh suattamizekse .
Vladimir Averjanovič ylen äijäl pidi pahua mieldy ottopoijan Puavilan da tyttären Marijan kuolendan periä .Nenga häi kirjutti erähäs omas kirjazes : "Tuldih karahtettihes pahat nemsoin da suomelazien valloitusjoukot , kiškottih meijän ozan da ilon .Poigu – kommunistu lähti Ruskieh Armieh , komsomol’cu tytär – partizuanakse .Mollembat varuamattah torattih vihollizienke , puolistettih da piästettih vihamiehis omua muadu .Poigu tapettih bojus .Tytär rohkiesti kesti kaikkii suomelazien kiduičuksii , ei pettänyh omua kodimuadu da sai korgien Nevvostoliiton urhomiehen arvonimen ."
Omamualazet kannatettih da kunnivoittih Vladimir Averjanovičua . Vuvvennu 1946 händy vallittih Nevvostoliiton Korgeviman nevvoston (Kanzalližuksien nevvosto ) deputuatakse KarjalSuomelazen nevvostotazavallan Priäžän valličuskunnas .
Priäžäläine urhomies. 2
Livvi
New written Livvic