Texts
Return to list | edit | delete | Create a new | history | Statistics | ? Help
Piskunova Galina . Kuin naidih i miehellä mändih. 1
Piskunova Galina
Kuin naidih i miehellä mändih. 1
Karelian Proper
New written Tver
Miula
šanottih roditel’at : tuatto Smorodov F’odor Dmitrijevič (1902–1979), muamo Smorodova Agapja Sem’onovna (1902–1989), t’ota Smorodova Darja Sem’onovna (1868–1958).
Tverin mualla karielat eletäh enämmän nelliä šadua vuotta .Tiälä oldih märrät šuokotat , kumbazie pidi kuivata .Kaivottih konavoida , šorrettih mečäššä puuloida i luajittih kozlie monissa kohissa ‒ niin srojiči s’ola Kozlova .Kodiloida srojittih vain kozlilda .
Perehet šilloin oldih šuuret , niissä oli äijä lašta .Muada annettih mužikoin hengellä .Min enämbi poigua ‒ žen enämbi kodih tulou muada .
Kumbazešša koissa oli yksi mužikka , šielä elettih köyhemmä .Missä oli kolme , nellä mužikkapuolie , ne väliän liettih bohatemmat .
Köyhih taloloih vähä ken mäni naimah .Köyhät i naidih i miehellä mändih köyhinke .
Lauletah :
ITKÖY MUČČONE MEČČÄZEŠŠÄ
1.
Itköy muččone meččäzeššä ,
kajurdelou kangašmaissa ,
hejurdelou heiniköššä .
‒ Midä itet tytär-parga ?
kuulou muatkone itkemäššä .
‒ Eigo šilma muatko obižai ?
‒ Ei , ei muamozeni ,
ei , ei varazeni ,
miula muatko
kuin oma miun muamo .
2.
Itköy muččone meččäzeššä ,
kajurdelou kangašmaissa ,
hejurdelou heiniköššä .
‒ Midä itet tytär-parga ?
kuulou tuattone itkemäššä .
‒ Eigo šilma buat’ko obižai ?
‒ Ei , ei tuattozeni ,
ei , ei varazeni ,
miula buat’ko
kuin oma hyvä tuatto .
3.
Itköy muččone meččäzeššä ,
kajurdelou kangašmaissa ,
hejurdelou heiniköššä .
‒ Midä itet tytär-parga ?
kuulou čikkone itkemäššä .
‒ Eigo šilma nado obižai ?
‒ Ei , ei čikkozeni ,
ei , ei varazeni ,
miula nado
kuin oma rodnoi čikko .
4.
Itköy muččone meččäzeššä ,
kajurdelou kangašmaissa ,
hejurdelou heiniköššä .
‒ Midä itet tytär-parga ?
kuulou velline itkemäššä .
‒ Eigo šilma kydy obižai ?
‒ Ei , ei , vellizeni ,
ei , ei varazeni ,
miula kydy kuin oma velli .
5.
Itköy muččone meččäzeššä ,
kajurdelou kangašmaissa ,
hejurdelou heiniköššä .
Kuulou min’n’ane kuulemašša .
‒ Eigo šilma izändä obižai ?
‒ Arvait , arvait , min’n’azeni ,
arvait , arvait , varazeni .
Hiän milma kovalla
laučalla magauttau ,
verejällä ieššä vierettelöy ,
raidazella vičalla vinguttelou .
Bohatat talot kačottih žen že muozie taloloida .Ennen vanhemmat omilla poijilla i tyttärillä ečittih vaštahis’t’a .
Šanomma , šuurešša talošša kažvau moni tyttyö .Yksi tytär viikon ei männyn miehellä , kedä hiän šuači , že naičči toizen .
Tytön vanhemmat löyvettih šulahazen toizešta kyläštä , edähädä .
Tytöllä ei tahota hänellä männä miehellä , a roditel’at blagoslovittih , ei kyžytty lašta .
Lauletah :
AIVIN , AIVIN KALINANE
KUKKIU
1.
Aivoin , aivoin kalinane kukkiu
Da myöhä marjat kerritäh .
Oh , en kerrin miulda hajuo skoppie ,
A milma miehellä annetah .(2 kerdua )
Oh , ei omalla rannalla
mužikalla vahnalla .
2.
Armaš tuatto , lindumuamo ,
Elgiä andakkua työ milma ,
Oh , ylen äijä lienöy itkie .
Šogetah miun šomat šilmät .
Oh , ynnäh šogetah miun šilmät .
3.
Työnnettih miun ruavolla ,
Edähänä ruavokšet ,
Korgien koivun taguana ,
Oh , šelgien joven taguana .
4.
Linduzet vain lennetäh ,
Šulguzet kuin voissa ,
Kuuži vuotta mie en ollun
Tuaton , muamon koissa .
Oh , tuaton , muamon koissa .
5.
Tuaton sadu veššeläni ,
Muamon sadu goreudun ,
Ynnäh hiän on kuivannun ,
Eigo hädä kerrinnyn .
6.
Kergei , kergei muamozeni ,
Kergei , kergei varazeni .
A midä šiunke rodi ?
Tulet , gor’a , kodih ,
Oh , tulet , hädä , kodih .
7.
Koissa gor’an gostinčas’t’a
Muamone ei ottan ,
Otettih vain kälyzet ,
Šanottih , što magiezet ,
Oh , ylen oldih magiezet .
Karielazet ollah ylen ruadajat .Ruattih omilla polossoilla .Piettih hebozie , lehmie , lambahazie , toista žiivattua .
Nyt mi šanon kuin oli diela .
Huomnekšella kopitetah mužikat niitännäštä .Kaikilla jalgoih kiäretty hattarat i luapotit .Naizet käveldih kottazissa .
Yksi mieš šanou toizella :
‒ Iivana , šiula šyndy tytär .
‒ Da , Hod’a , miula šyndy tytär .
Iivana Hod’alla i pagizou :
‒ Emmägo myö luaji niin .Konža miän lapšet kažvetah , myö hiät naitamma .
Kuin naidih i miehellä mändih. 1
Karelian Proper
New written Tver
1.
1.
‒
‒