Texts
Return to list | edit | delete | Create a new | history | Statistics | ? Help
Vävy kois – seinät vois
Vävy kois – seinät vois
Livvi
New written Livvic
Keitinpiirai
on vahnu karjalazien da vepsäläzien rahvahan syömine .Sidä "keiteltih " vois , konzu taloih tuldih kodžat , libo konzu kaikis loittoine vävy tuli käymäh .Enzimäine keitinpiiruan kuori annettih "ajella " andilahale .
Vie keitinpiiruadu syötettih koin nostajil , konzu seinät oli salvettu .Erähis kylis nämmä piiruat pastettih enzimäzis jauholois , konzu jälgimäine vil’l’ulyyhtes oli puidu .
Varusta keitinpiiruat
Keitinpiiruan kuoreh niškoi luajitah riesku tahtas .Tahtahah näh pidäy olla :
Yksi jäiččy
• 200 grammua maiduo libo vetty
• Suuri luzikku zuaharipeskuu
• Vähäine suolua
• Kaksi-kolme stokanua nižujauhuo
Tahtas pidäy luadie kiingei , jauhuo ližätäh , kuni se tartuu tahtahah .Midä kiingiembi tahtas – sidä hoikembi kuori pidäy ajella – eiga kuori ei ehti läbi pastuo .
Tahtahan sevoitettuu se punotah yhtekse möykykse , se pidäy kattua käzipaikal da jättiä kodvazekse stolal .Sil aigua voibi keittiä syväin .Syväimekse voibi ottua suurimua libo ruahtuo , voibi syväimekse panna zuaharii .
Riisut parembi on panna ligoh kahtu čuassuu enne .Valmeheh syväimeh voibi ližätä iz’umua libo keitettyy da pilkottuu jäiččiä .Kuni syväin vilustuu , valmistetah kuoret .
Tahtas ajellah yhtenjyttymikse pienikse möykkizikse , sit värtinäzel ajellah kuoret .Jogahizen kuoren piäle pannah luzikku syväindy , pannah kuori salbah da pienen astien reunal leikatah laidaine .Ku piirai ei avavus , laidastu voibi vie kerdu painaldua astien reunal , ga jo ei läbi .Kuoren reunat voibi yhtistiä sormilgi .
Keitinpiiruat keitelläh riehtiläl siemenvois .
Valmisti L’ubov’ Baltazar
Vävy kois – seinät vois
Livvi
New written Livvic
• 200
•
•
•