Texts
Return to list | edit | delete | Create a new | history | Statistics | ? Help
Hukanmuarju: parandai da myrkylline
Hukanmuarju: parandai da myrkylline
Livvi
New written Livvic
Minä
olen Šan’uu , Vavol-rubriekas minä sanelen žimolostis libo sidä vie sanotah hukanmuarjakse .
Mennyt kezäkuul Oleg-susiedu gostitti minuu enne tundemattomal minule muarjal – syödäväl hukanmuarjal .Maguu myöte se must’oi rouno , vaiku muarjat ollah karjembat da piduličat .Sen syödyy sormet da suu sežo ollah rouno must’oin jälles .Kylläl syödyy tädä muarjua , dostalilois muarjois luajin vie muarjuvettygi , ližäin vähäzen zuaharii , dai rodih hyvä juomine .
Minä kerras piätin ostua hukanmuarjutuhjon ičelegi : se on must’oih päi , vaiku sidä voibi kerätä oman koin pihas , dai muarjat ollah karjat , ei pie äijiä aigua niilöin keriändäh .Vie on hyvä se , ku se murju , kui must’oigi , kypsyy kezän allus , kuni muudu muarjua vie ei ole .
Kazviloin laukas minule nevvottih ostua kerras kolme tuhjuo – nenga kolmei net parembi kazvetah .Minä otin nengomat hukanmuarjan lajit : Boreal bjuti , Boreal blizard da Boreal bist .Istutin net riädyh , välis kolme metrii .Hukanmuarjan tuhjot ollah puolitostu-kaksi metrii korgevuttu .
Eri lähtielöis minä luvin , ku hukanmuarju parandau syväintaudiloi , lujendau ristikanzat suonet , puhtistau verdy myrkytyksen suaduu .Hukanmuarjas on enämbi antiaksidantua migu toizis muarjois , sendäh se puolistau ristikanzua enneaigazes vahnemizes .
Hukanmuarju kuuluu žimolostnije-roduh .Rovun erähät lajit kazvetah mečis da ei olla syödävät .
Ku roinnou himo istuttua hukanmuarjutuhjo omah pihah , tilata internet-laukois taimenet pidäy ennepäi .Minä tiluan tavan mugah kylmykuus , kuni on suuri valličus , ga voibi ostuagi laukas oraskuus libo myöhembi .
Aleksandra Sidorova , 14 vuottu , Oniegan piirin Yllöine
Hukanmuarju: parandai da myrkylline
Livvi
New written Livvic