Texts
Return to list | edit | delete | Create a new | history | Statistics | ? Help
Mie olin Vierissän aigaa Jängärvessä adivoissa
Mie olin Vierissän aigaa Jängärvessä adivoissa
Karelian Proper
Padany
Mie
olin Vierissän aigaa Jängärvessä adivoissa , jo olin n’eičyt polnoi , no ni senin keräyd’ymä illalla , Syn’d’yö kuundelemaa .A seukku miula oli yhenigähine , l’äkkä , šanou , tuošša on perässä tämä ozrakego , niin hambahilla pid’äy kevosta olgie n’yhät’ä .No , mänimmä , kualoimma dai toimma ollet kodii .Tulima kod’ii , d’iäd’inä šanou , n’ytten , šanou , pid’äy n’eiččyzie panna muate sillalla .No meijen olled n’e panou i luadiuven päret’t’ä , sel’gäpäret’t’ä , značit pindašta luad’iu päriet .Enžimäzen sen ku otatten randazesta .Pindapäriest’ä luad’iu meil’ä sillan da niin siihi sillan piäl’l’ä panou da miäd muate panou da kassan riiččiy , a kaššat panou lukkuu , lukun riputtau tukkii .Nastojaššoin lukun riputti siihi kaššaa , a l’entta , mi on kaššaa pl’et’it’t’y , ni sen ved’äy l’ehmäl’l’ä šarviloilla liävää .No , miäd muate panou .Nouzima huomukšella .Mid’ä n’ägijä unišša .Emmägo t’iijä , mid’ä n’ägimä .No , miula šanou : "Sie , pl’eman’n’ičča , šanou , mänet t’ällä vuuvella miehel’l’ä .Paššan l’ehmäl’l’ä sivoin kudaman l’entan , ni kušša magai , ni sil’l’ä paikalla , šanou , ku mänin avuamaa huomukšella , (oli ), ei noššun , a siun l’entan kudamalla sivoin , ni se oli noššun , i tuli , šanou , oven šuušša maguau , šanou , ovee kohti .I n’äin unišša , ken tahokkaa libo koziččija rod’ietou vahna , libo ženihhäs rod’ietou vahna ".Mie it’kemää .En oliz vierryn sil’l’ä sillalla , k olizin smiet’t’inyn pahan unen , starikalla mänen , engo mäne , mid’ä mie mänen starikalla ."Ka heit’ä hoi , gluuppa , šanou , it’end’ä , možet tulou starikka siuda koziččomaa , a tulou nuorella ",
no ni mie šina vuodena i mänin miehel’l’ä , a käveli buat’uška koziččomaa . A ukolla oli seiččementoista vuotta .
Ratosta jauhomma jauhondakivel’l’ä .Nieglan piä ku katkieu , ni se jiäy ratoš , perä ku katkieu .Ka joi zapassua i pannaa .No , siid’ä ku jauhondakivee laššet , ei oo jyviä , siidä ratosta jauhot , značit en kui päräjäy se kivi , kuin šanou Sirguo , vain šanou Van’kua , vai ked’ä .Kui šanonouven — sir , sir , sir , — vai šanou jur , jur , jur , n’ytten Jyrgi on , ni miula ku jyrget’t’i , ni Jyrgi i oli .
Mie olin Vierissän aigaa Jängärvessä adivoissa
Karelian Proper
Padany