Texts
Return to list | edit | delete | Create a new | history | Statistics | ? Help
Huhl’akka, huhl’akka
Huhl’akka, huhl’akka
Karelian Proper
Myandyselga
Huhl’akka , huhl’akka .Mie
olin yl’en ohotnikka mie olin yl’en väril’l’ine ,ku l’ähen ad’voih tuuvan Semčärvee , ni kolmin n’ed’elin olin ,značit , l’ähemmä t’äst’ä jo Veden’jasta , libo l’ähemmä myöhembi t’iän uuven vuuven aigaa , Kreššen’ja on pruaznikka , Vierist’ä Semčärvessä ,suuri kyl’ä , ni ad’vuo n’el’l’äkymmen’dä tulou Sellistä — suuresta kyl’äst’ä , da illalla l’ähemmä huhl’akaksi .Šuoriemma hyvin , po-starinnomu .N’ävöl’l’ä hyvän paikan , siiččazen valgien paikan panemma , a no a siid’ä ...t’ämänmoized n’e emuššat , ni zavod’iu alahalda yl’ää suah panou , a kaššad n’e toože sivomma t’ähä käzipaikkoi .Pl’äššimä kadrilie , a ozuttuat emmä , pl’ässimä , toista toizee taloo .
T’yt’öt k olima , erähän kerran ku t’ässä kävelimä , olima Keldovuaras , ni mie tulin t’ägäli märgä , tata joi haukku , haukku , emmä virkkan , mama sanou : "El’ä hauku , ko on moda , ana hyö t’yt’öt kävel’l’ää ".Mie suoriettin silloin brihaksi , panin štad’id mužikkoin , paijan piäličči , t’äh panin hyvän remenin , t’äh panin galstukan , olen se tobie , zdorovoi .Mänimä toizen kerran Okkuliinaa , baba se päčil’l’ä viru , mie mänen sie hän’d’ä sebiämää , n’okkua andamaa , a en ni ozuttauvu .Sanou , vähä rod’ieu , sanou ukosta , Mikistä , a mie olen n’eičyt ...dai ei tunnettua ket olemma , olemma , pl’ässimmä , tulemma kod’ii , nagramma , meid’ä ei tunnettua .
Huhl’akka, huhl’akka
Karelian Proper
Myandyselga