Texts

Meilä leikattih kerppuja ta tuotih pirttih

April 10, 2024 in 14:30 Нина Шибанова

created the text
created the text translation
created the text: Meilä leikattih kerppuja ta tuotih pirttih. Aina nurkkih pantih. Lehtikerppu leikattih a teälä (so Suomessa) pannah Iivananpäivöä vassen koivuja pistyh. A meilä kerppuja leikattih ta pantih nurkkih tuonne, pirttih. — Joka nurkkah? - No ken pani joka nurkkah ta ken toi yhen. Ta riivittih siitä lauččojen alla siitä leht’ie sinne pantih. Meilä kun oli laučat pirt’issä nin sinne lauččojen alla pantih, siitä riivittih — ka ei kaikissa, ka toisissa riivittih. Tuskin heän kaikissa tuotih sitä i leht’ikerppuo! Myö aina kun olima sielä mečäl likellä nin myö toima. Ta riipimä sinne lauččojen alla. Meilä kun oli sielä Karjalassa laučat semmoiset leviet, kaikissa (taloissa), sinne lauččojen alla riipimä siitä Iivananpäivöä vassen niitä lehtie.