Texts
Return to list | edit | delete | Create a new | history | Statistics | ? Help
Elägaha igän, rahvahan kul’tur!
Elägaha igän, rahvahan kul’tur!
Veps
New written Veps
Uhokun
28.päiväl Karjalas oli tehtud jo ühesanden kerdan «Kalevalskaja mozaika »-kul’turprojekt .Se om omištadud Kalevala-eposale .Neniš voziš projektan festivalid mäniba erazvuiččiš Karjalan tahoiš .Täl vodel festival’ oli tehtud Oloncan kul’turkeskuses .Sinna kerazihe erazvuiččid sebroid , kudambad ozutiba melentartuižid nomeroid .
Praznikal oli äi pajo - da kargsebroid mugoižid , kut ozutesikš : «Terve , briha », «Oma pajo », «Terveh , pajo ».«Päiväine »-sebr vändi stribunikoil lujas čomin . «Karjala »- kollektiv , kut kaiken-ki , ihastoiti ristituid ičeze ilokahil karguil . Lujas čoma nomer oli gimnastoil-neiččil; hö ozutiba kut lämoi , vezi , il’m da ma sündutaba Sampo-mel’nicad .Vepsläižišpäi oli vepsän rahvahan hor .Konz hor zavodi pajatada , zalas tegihe hillemba .Horan ezitamine tuli mel’he kaikile kundlijoile i jäb muštho hätkeks .
Koncertaha ližaks Kalevalan päiväle oli omištadud Jurii Lumpijevan da Anatolii Čebotarevan fotokuviden ozuteluz .Se oli avaitud kaikiden tahtnikoidei täht .
«Kalevalskaja mozaika »-projekt tehtas , miše ristitud kaičižiba karjalan , vepsän da suomen kul’turad , tedaižiba , miše heiden rahvahil om mugoine sur’ kul’turkal’huz da pidäižiba siš korktad mel’t .
Elägaha igän, rahvahan kul’tur!
Veps
New written Veps