Texts
Return to list | edit | delete | Create a new | history | Statistics | ? Help
Abupaginkirj vepsän kelel
Abupaginkirj vepsän kelel
Veps
New written Veps
Redukus
”Periodika ”-paindištos läksi uz’ kirj .Sen nimi on ”Venä-vepsläine abupaginkirj ”.Kirjan tegijad oma filologian doktor Nina Zaiceva da Petroskoin universitetan karjalan i vepsän keliden kafedran opendai Ol’ga Žukova .
Abupaginkirjas om erazvuiččid temoid , miččid kävutoittas elos paksumba .
Necen kirjan abul voib pagišta teatran , kinon , koncertan polhe; küzuda aigas , säs; pakita söndad da jondad restoranas , kafes , baras , sada tedoid tervhuden da lebun temoišpäi i muga edemba .
Abupaginkirjan lophu om pandud vajehnik i grammatikan tablicad , miččed abutaba oikti panda sanoid tarbhaižehe kändoho da formaha .
Venä-vepsläižen abupaginkirjan painduzmär om tuha ekzempl’arad .Kirj om vahvištoittud Termišt-orfografižen komissijan pätusel kävutandan täht i om paindud Niilo Helanderan fondan abul (Suomi ).
Nece abupaginkirj om hüvä lahj da abukirj ezmäi kaiked openikoile i üläopenikoile , a mugažo niile kaikile , ken tahtoib opeta vepsän kel’t i kenele se om melentartušt .Nügüd’ kaikutte tahtnik voib pagišta necen kirjan abul vepsäks erasiden temoiden mödhe .
Abupaginkirj vepsän kelel
Veps
New written Veps