Texts
Return to list | edit | delete | Create a new | history | Statistics | ? Help
Ol’ga Žukova. Openikad ozutiba ičeze kel’tedoid
Ol’ga Žukova
Openikad ozutiba ičeze kel’tedoid
Veps
New written Veps
Keväz’kun
27.päiväl Petroskoin gimnazijaha № 17 kerazihe openikad , kudambad opendaba suomen , karjalan da vepsän kelid .Nelläandentoštkümnenden kerdan oli tehtud openikoiden regionkeskeine olimpiad .
Ozutamha ičeze kel’tedoid tuli openikoid erazvuiččiš Karjalan rajonoišpäi , Petroskoi-lidnaspäi da Piterin agjaspäi .Vepsän kelen tedajid oli 11 openikad Šoutjärvespäi , Kalagespäi , Petroskoišpäi da Vidl-küläspäi .Lapsed tegiba kirjutuztegendoid : paniba sanoid oiktoihe formihe , valičiba tabhaižid sanoid , tegiba küzundoid , kirjutiba živatoiden nimid , ozutiba lugetud tekstan el’gendaništ .Lopuks starinoičiba erazvuiččid temoid : ičeze kodiš , keza-aigas , sündundpäiväs i toižiš .Pagin openikoidenke da ližaküzundad abutiba arvostelda kel’mahtoid .
Nelländen openduzvoden gruppas ezmäine sija anttihe Nataša Aleksejevale , Petroskoin suomalaiž-ugrilaižen školan openikale ( opendai Nadežda Kukojeva ).Toižen sijan sai šondjalaine prihaine Igor’ Romanov , kudamb opendase nügüd’ Vidlan školas ( opendai Gul’a Polivanova ).Necen-žo školan openik Natalja Spirkova sai koumanden sijan .
Seičemenden openduzvoden gruppas vägestajaks tuli Pavel Medvedev Kalagen školaspäi ( opendai Svetlana Gotič ).Toižen i koumanden sijan saiba suomalaiž-ugrilaižen školan openikad Sveta Kottina i Ales’a Potes .Lapsile anttihe kitändkirjeižid da lahjoid , a parahimad kelentedajad ajaba kezal Suomehe .
Openikad ozutiba ičeze kel’tedoid
Veps
New written Veps