Texts
Return to review | Return to list
Baijutuspajo
history
May 28, 2024 in 15:13 Нина Шибанова
- created the text
- created the text: Baiju, liipoi-linduženi, päiväine jo muate meni. Baiju, minun piäsköi, baiju, sillo kazvua pidäy äijy. Roikkah uni sinun sigei, andau uni pitkiä igiä. Hiiviy uni hil’l’akkazih, viertih muat koirat, kažit, ammui muatah piäsköit, kägöit, kondii mečäs undu nägöy. Lyyli, lyyli, lemmenlapsi, muattuu parem jalgu kapsau. Tuatan abu, muaman turvu, älä, kuldu, muates survoi. Magua minun, valgeipiähyt, kazvat, roittos aimomiehii. Konzu kazvat, konzu väityt, čomas immes sinuu naitan. Muamo kattau, älä kylmä. Kazvat, roittos leivänkylväi. Toinah oza muga leppiy: kazvat, roittos paras seppy, ravvan tagoi, kullan tagoi. Magua, käbyzeni, magua.