Texts
Return to list | edit | delete | Create a new | history | Statistics | ? Help
Marija Ijudina. Suimal tehtihe ühthevedoid. Tehta ühthevedoid. Vajehtadas radmahtoil. Suim Vidl-küläs
Marija Ijudina
Suimal tehtihe ühthevedoid. Tehta ühthevedoid. Vajehtadas radmahtoil. Suim Vidl-küläs
Veps
New written Veps
Midä
pidab tehta , miše kel’ eläiži ?Vastuz om kebn .Pidab , miše sil pagižižiba lapsed .Sen täht tehtas-ki kel’lagerid .Täl vodel ned oli tehtud koumes Vepsän man elotahos : Karjalas , Piterin da Vologdan oblastiš .Ned radoiba kazakus da elokus .Nügüd’ , konz lageriden rad om jo lopnus , tuli aig tehta ühthevedoid , vajehtadas tedoil , miččid oli sadud radon aigan .Sikš Piterin agjan Vidl-küläs oli tehtud suim , kudambale kerazihe kaik , ken radoi lageriš da ken om holiš sen rados .Tänna tuli opendajid , lagerin sädajid , külän eläjid .Oli ristituid ei vaiše sigäpäi , kus lagerid radoiba , no kaikiš školišpäi , kus om vaiše miččid-ni radjüvid vepsän kul’turan oblastiš .Suimal pagištihe kut openduz mäni , miččid problemoid sündui , miččid openduzsatusid lapsed saiba .Kaikuččen lagerin opendajad pidiba ezitusid , ozutiba prezintacijoid .Muga kaik keranus suimale nägištiba fotokuvid , videoänetusid , miččid oli tehtud opendamižen aigan .
Vidlan kel’lagerin openikad ozutiba suiman adivoile ičeze mahtoid .Hö lugiba runoid vepsän kelel da pajatiba pajoid .Voib sanuda , miše lapsed saiba tarbhaižid , hüvid tedoid da mahtoid .Pened lapsed Šoutjärvespäi ( sigä lager’ oli tehtud päivkodin pohjal ) pajatiba da kargaižiba , vätes openziba uzid vepsäližid sanoid i ramastust kodikel’he; Kujas ( Vologdan oblast’ ) vanhembad lapsed vediba säpäivkirjoid , käveliba mecha , openzihe todesižil mastaril käzitöid tehmaha .Ved’ .Kuja-školan pämez’ Andrei Zagul’ajev iče om hüvä mastar’; hän openzi lapsid tehmaha kaluid tohespäi vanhan eloveron mödhe .Andrei sai nenid tedoid ičeze ezitatoišpäi völ laps’aigan .Sen ližaks lapsed opendajidenke saiba tedoid , kut ende karbaz-venehid tehtihe , kut zel’l’kazvmusid keratihe da kuidihe , kut pertid letihe .Nene keratud materialad oma nügüd’ heiden sur’ kal’huz’ .
Suiman aigan kaikutte mez’ voi sanuda ičeze melid kel’lagerin polhe , ičeze tahtoid da toivoid tulijaks vodeks .Ved’ lapsiden openduzsatused ozutiba , miše lagerin rad oli lapsile mel’he i pidab jatkata sidä edemba .Nina Zaiceva , vepsän kelen tedomez’ , sanui :
«Kel’lagerid - nece om tozi tarbhaine azj .Hüvä oliži , miše ned radaižiba ei vaiše , ozutesikš , muloižel kezal vai necil kezal , a miše ned radaižiba kakuččel kezal .Miše ned oližiba kut školan tarbhaine rad ».
Suimal oli sanutud , miše tulijas aigas pidab tehta kel’lagerid toižiš-ki vepsläižiš küliš .Toivom , miše kaik planad da toivod tuleba eloho i lagerid jatktaba ičeze radod !
Suimal tehtihe ühthevedoid. Tehta ühthevedoid. Vajehtadas radmahtoil. Suim Vidl-küläs
Veps
New written Veps
«