Texts
Return to list | edit | delete | Create a new | history | Statistics | ? Help
Uzištod
Uzištod
Veps
New written Veps
Tal’vkun
lopus "Vepsän vezad "-sebr tegi suiman ."Vezad " vasttihe , miše pagišta tärktoiš küzundoiš . Kut rata tulijal vodel ?Kut kaita sebrad ?Midä pidab vajehtada sebran rados ?Suiman augotišes Anna Anhimova , sebran ohjandai , starinoiči kaikile , miččid problemoid sündui sebran rados .Annan sanoiden mödhe , jäl’gmäižel aigal om tehnus lujas jügedaks azjaks vaumištada erazvuiččid azjbumagoid , kudambad oma tarbhaižed sebran elon täht .Kaikuččel vodel pidab tehta lujas äi dokumentoid , kudambad ozutaba , kut sebr radoi , midä oli tehtud , äjak dengoid oli ottud da äjak oli rajatud .Nene dokumentad pidab toda Ministerstvaha , bankaha da toižihe sijoihe .Aigemba mugoižed dokumentad Anna tegi iče .Nügud’ hän ei ehtind tehta kaiked radod , i sikš hän pakiči abud toižil "vezoil ".Ved’ mugoižid azjbumagoid tegese kaik enam i enamb kaikuččel vodel .Miše tehta erasid dokumentoid , pidab pakita abud buhgalteroil vai juristoil .Sebran ühtnikoile tariž rata ühtes , tehta kaiken ühthižvägil , vaiše siloi sebran rad mäneškandeb edehepäi ."Vezad " hökkahtuiba Annan sanoidenke , ühtes hö eciba problemoiden pätandoid . Ved’ kaikutte tahtob , miše sebr eläiži , radaiži völ äi vozid .Suimal oli pättud küzuda nevondoid vanhembil Vepsän kul’tursebran ühtnikoil .Vepsän kul’tursebral om enamb radmahtoid , mi abutab sebrale pättas mugoižid-žo problemoid .
Karjalan valdkundan pämez’ Sergei Katanandov vasttihe Andrei Maninanke , rahvahaližen politikan ministranke .Andrei Manin starinoiči valdkundan pämehele , kut ministerstvan rad mäneb da miččid radsatusid oli männudel vodel .Ministran sanoiden mödhe , Karjala om ma , kus om hüvid rahvahiden kosketusid .Rahvahaližiden kul’tursebroiden lugumär’ kazvab .Nügud’ valdkundas niid om 54.Radaba programmad , kudambad abutaba kehitoitta rahvahaližid kelid .Ozutesikš , paindas literatur Karjalan rahvahiden kelil .Karjalan pämez’ oli korktad mel’t ministerstvan rados i nevoi , midä voib tehta völ edemba-ki .
Uzištod
Veps
New written Veps