Texts
Return to list | edit | delete | Create a new | history | Statistics | ? Help
Larisa Smolina. Miš holdub vepsläine norišt?
Larisa Smolina
Miš holdub vepsläine norišt?
Veps
New written Veps
Kezakun
3.Petroskoiš Rahvahaližes kul’turkeskuses mäni “Vepsän vezad ”-vepsläižen norišton organizacijan ühtnikoiden vastuz .Kacmata pahaze sähä vastusele tuliba äjad mehed : üläopenikad , opendajad , tele - da radioradnikad , kaik ned nored ristitud , ked holduba hengel vepsän rahvahas .Heiden keskes olin minä-ki , necen kirjutesen tegii .
Delegatad vepsläižišpäi
Vastusen augotišes Anna Anhimova , necen organizacijan pämez’ , sanui miččed küzundad mö otam ezmäi kaiked paginaha i miččid problemoid pätam .Kaik mö tedam , miše täl vodel Petroskoiš elokun 14.-16.päivil linneb sur’ “MAFUN ”-nimitadud konferencii .Konferencijale tuleškandeb lujas äi suomalaiž-ugrilaižiden rahvahiden ezitajid eri tahoišpäi .Pidab sanuda , miše täl vodel “MAFUN ”-konferencii om jubileine .Se mäneškandeb jo 20 kerdan .
Nügüd’ kaikuččes suomalaiž-ugrilaižes rahvahaspäi pidab valita necile konferencijale koume delegatad i kacujid .Vepsän rahvaspäi kandidatoid delegatoikš ei olend äi , sikš miše konferencii linneb kezal , konz äjil meišpäi om lebuaig .Vastusen aigan mö kaik änestim i ühtel melel valičim delegatoikš mugoižed ristitud : Anna Anhimova , “Vepsän vezad ”- norišton organizacijan pämez’; Maria Ijudina , Karjalan rahvahaližen tele - da radiotoimišton radnik da Al’ona Jegorova , Petroskoin universitetan 3.voz’kursan üläopenik .
Paiči delegatoid konferencijal linneb völ kacijid .Niiden lugumär ei ole röunatud , sikš kaikuččes rahvahaspäi voib olda severz’ äi ristituid , kuverz’ tahtoškandeb tulda .Vepsläižiden kandidatoiden keskes oli läz kümned mest , no heiden lugumär voib vajehtadas .Ku kel-se om taht mugažo olda kacujan necil konferencijal , tö voit zvonida Anna Anhimovale i tarita ičeze kandidaturan .
Pidab sanuda , miše “MAFUN ”-nece om lujas melentartuine i effektivine konferencii norišton täht .Sen aigan kaik suomalaiž-ugrilaine norišt keradase ühtes , tundištoitase toine toiženke , löudab uzid sebranikoid , tarbhaižid kosketusid , pagižeb neniš azjoiš , problemoiš da küzundoiš , miččed holduba heid täl aigal .I ku konferencii linneb meiden Petroskoi-lidnas , meil kaikil om lujas čoma maht tulda sinna i löuta ičeze täht midä-se hüväd .
Vepsläine internet-sait
Toine küzund , mitte oli ottud paginaha sil ehtal - nece vepsläižen internet-saitan tulii aig .Minä johtutan , miše vepsläine sait www .vepsia .sai elon internet-mirus vodel 2006.Sen tegijad oma Julia Naumova i Aleksei Maksimov .Jäl’gmäižehe aigahasai hö ühtes holduiba saitan elos i eciba sinna materialoid .Nügüd’ problem om siš , miše läz vot sait ei rada .Ei ole kelle uzištoitta sen paloid i ližata sinna uzid tedoid .
Nece problem tuli päivänterale , sikš miše kuni vepsläine sait radoi , vepsläižiš saiba tedoid kaikes mirus .Saital voi löuta tedoid vepsläižes literaturas , vepsän rahvahan istorias , kul’turas , erazvuiččiš ristituiš , voib tedištada midä-se ut vepsän rahvahan elos .Om sel’ged , miše sait om tarbhašt meile kaikile , no tehta saitan üksnäze om jüged .Mö kaik radam , meil om äi ičeze azjoid .A saitale pidab antta lujas äi aigad .Pidab kaikuččen päivän midä-se ecta , kerata kus-se materialad , löuta uzištoid i kirjutada .
Kut pätta necen probleman i keda löuta - mö meletim lujas äjan ecten vastust .No tulim mugoižehe mel’he , miše ku meile kaikile pidab nece sait , ku mö kaik tahtoim , miše sait eläiži i radaiži edemba-ki , meile pidab kut-se ühtenzoittas i olda kaikile aktivižemb .Kaikuččel meišpäi om kodiš tedomašin , om internet .Vepsläižel saital om äi erazvuiččid erištoid .Kaikutte meišpäi voiži valita miččen-se melentartuižen palan ičeze täht , ecta sinna materialoid i kirjutada .Mugoižehe mel’he tuliba kaik vastusen ühtnikad i pätiba , miše saitan radole pidab abutada kaikile .
Hot’ vastusel ei olend muga äi ristituid , no kaiken-se nägui , miše vepsläine norišt ei tahtoi olda passivižen , se tahtoib kut-se abutada toine toižele .Minä meletan , miše mugoižed vastused oma lujas tarbhaižed i effektivižed .Ved’ vaiše ühtes mö voim kebnašti pätta meiden problemoid .
Miš holdub vepsläine norišt?
Veps
New written Veps