Texts
Return to list | edit | delete | Create a new | history | Statistics | ? Help
Valerii Sidorkin. Hänen südäin om runoiš
Valerii Sidorkin
Hänen südäin om runoiš
Veps
New written Veps
Redukus
Petroskoin ”Periodika ”-paindištos läksi Oleg Mošnikovan ”Päiväižen kirjeižed ” runokogomuz , a 5.kül’mkus mäni sen kirjan prezentacii
Ristitud , kudambad eläba Karjalas , nägeba paksus Oleg Mošnikovan TV-ekranaspäi - hän pagižeb požaroiden profilaktikas vai sanub , miše ei pida kävelta kalaha hoikad jädme .Mugoi om hänen rad .Vaiše rahvaz tundeb händast toižes-ki polespäi .Oleg Mošnikov om tutab Karjalan runoilii i kändai .
Kirjutajan jured oma vepsläižes Šokš-küläspäi .Sikš hänen runoiš kulub i necen külän nimi i erased vepsläižed sanad ...ka vepsläižiden heng-ki mujuse .Oleg Mošnikovan runoid i lühüdid prozakirjutusid voib vastata paksus erazvuiččiden lehtesiden i kulehtesiden lehtpolil .Hän kirjutab venäks , no vepsläine südäin mäneb läbi kaikes runoilijan literatursatuses .Kodima-lehteses-ki paindas paksus Oleg Mošnikovan runoid .
Kül’mkun 5.päiväl Petroskoin ozuteluzsalas kerazihe Olegan sebranikoid , kollegoid , ristituid , kudambad navediba hänen runoid i prozad .”Päiväižen kirjeižed ”- nece om jo nel’l’änz’ Mošnikovan kirj . Kirjas om runoid kodiman , armijan , ozan i armastusen polhe .Erased runod om kirjutadud Nikolai Kl’ujevan , Anna Ahmatovan , Marina Cvetajevan nimehe .
Oleg Mošnikov kirjutab runoid iče i mugažo tegeb kändmižid-ki .
Runokogomuses om suomalaižiden Eino Leinon , Toivo Ahavan , karjalaižen Aleksandr Volkovan , vepsläižiden Nina Zaicevan i Nikolai Abramovan runoiden kändmižid .
Prezentacijan ehtal oli äi muzikad .Pajoid Olegan Mošnikovan runoihe pajati F’odor Kuz’min .Lämid sanoid runoilijale sanuiba Rahvaližen politikan ministran varapämez’ Jelena Bogdanova , runokirjutajad Nina Zaiceva , Aleksandr Valentik , Armas Mišin , Nikolai Abramov , Vepsän kul’tursebraspäi pidi sanan Svetlana Pas’ukova .
Prezentacijan vedäjan oli runoilii i kirjutajiden sebran pämez’ Jelena Pietiläinen , hänen abul neze znamasine eht oli lujas südäimeline .
”Päiväižen kirjeižed ” runokogomuz om lähtnu Karjalan valdkundan rahvhaližen politikan ministerstvan raha-abul .
Hänen südäin om runoiš
Veps
New written Veps