VepKar :: Texts

Texts

Return to list | edit | delete | Create a new | history | Statistics | ? Help

L’ubov’ Baltazar. Ku vai lapsil olis hyvä

L’ubov’ Baltazar

Ku vai lapsil olis hyvä

Livvi
New written Livvic
Tunnustuin täh pereheh Il’l’anpiän pruazniekannu Suuren Sellän kyläs.

K erras rubei himoittamah sanella rahvahal Anna Sergejevna da Sergei Vladimirovič Arbuzovien elokses. Sentäh ku joga kohtaine, kudaman näin, joga sanaine, kudaman kuulin, pani minuu ihastumah da toiči vie ovvostumah. Ezmäzekse sen periä, ku hyö on tuldu Karjalah elämäh kai Tatarstuanaspäi! Da tuldih Suureh Selgäh juuri Il’l’anpiän!
Molodoit saneltih, kui hätken vallittih kohtua, kus olis hyvä eliä. Heile oldih omat ehtot, mittuine se pidäs olla. Hyö ei ečitty čomua linnua vai ruaduo, kus maksettas korgei palku. Suurin oli se, ku hyvä olis lapsil! Ku olis puhtas luondo, suuri puuhine taloi, ku olis ei ylen loitton hos pieni linnaine, ku olis meččiä da jogie, puhtastu ilmua da rauhua. Moine rodih hyvä mieles, ku juuri karjalaine kyläine Anuksen mual oli niilöin ehtoloin arvohine da miellytti tädä perehty!
Matku Karjalah da eländykohtan valliččemine, nägyy, toi heile kaikenmostu mieldy da tunnehtu, sendäh ku kolmen vuvven mendyygi hyö musteltih sidä hätken. Ga paginan keskustettih poijat, heidy on kolme täs perehes da nuoriman roindumua jo on Karjal! Keskipäivy oli lähestymäs da vahnembii brihaččuloi rubei syötättämäh. Kaksi vahnembua tuli dovarišoinke, muamo rubei syöttämäh kaikkii, omii dai vierahii! Lapset istuttih laučal toine toizen rinnal kogo stolan piduhuol. Muga oli vai enne, konzu myö kazvoimmo. Vie äijän kerdua täh taloih käydyy piäh tuletteli juuri tämä mielinenga oli enne... Täl kerral lapsil magiembi kaikkii oli kois pastettu leiby. Sidä emändy da muamo Anna Sergejevna maltau pastua ihan oigieh tabah da ylen hyvin, olihäi se ezmäzinny vuozinnu tärgevin ruado, kudai toi pereheh den’gua. Kolme vuottu tagaperin vie ei olluh joga laukas kaikenmostu piendy hyväluadustu ruisleibästy, mittumua on nygöi. Arbuzovat oldih onnuako ezmäzien joukos, ket Anuksen rajonas ruvettih pastamah da myömäh kois pastettuu leibiä. Mi hyvä on kaččuo suures viršis toine toizen rinnal laijattuloi möykkylöi!
Ga yhtel leiväl ethäi elä, ižändy Sergei ainos eččiy dai löydäy hyviä ruaduo ihan lähäl. Oldas vai ruadajat käitruado löydyy! Hänen lujat da nerokkahat käit maltetah äijän eigo varata jygiedy ruaduo. Mi pidi hänel uvvesvahnas – (endizes Rodionovien) talois vaihtua, puhtistua, kaivua, nostua, sen tietäh vai miehet, kel käzis on oma kodi, ket ollah toziižändät omil emändil, kodiloil, mual. Abuniekkua kazvau, ga hyö ollah vie pienet, vahnin Matfei on vaste yheksävuodehine, Maksimal on viizi vuottu. Nuorin Mikula vie pyzyy sylis da tarkazeh kuundelou tuatan paginua. Ei ni kerdua väčkähtännyhes lapsi!
Poigien kazvatus da opastamine uvvessah pani minuu möllistymäh da ihastumah. Vahnembi poigu ei kävy školah! Ei vai sentäh, ku ni Suures Selläs eigo Kuittizes školua jo ei ole, brihačču on kois. Händy opastetah iče vahnembat! Mollembat ollah opastajinnu omil lapsil. Net tiijot, mit lapset suahah alguškolas, ihan hyvin voibi suaha ruadoloi ruadajes da omii vahnembii auttajes. Kois olles vahnembal poijal on rauhu, nikudai suurembi da viizahembi ei sano eigo luaji pahua, eigo pie joga päiviä kaččuo, kel on kallehembi telefon vai čomembat sovat. Hos školas nygöi opastetahgi äijän muudu pädeviä da hyviä, ga lapsien välis puaksuh on riidua da kadehtimistu. Niilöis suau piästä välläl, suau olla päivilleh jogapäiväzis pienis hoppulois. Se andau lapsel olla rauhas, andau tilua toizil mielil, mit kehitetäh syväimes olijoi tundehii da piästetäh kazvamah neroloi da maltandoi. Juuri moine lapsien kazvatus oli tämän perehen tarkoituksennu omua kodii eččijes.
Tämä vahnu taloi roih uvven suvun pezäkse, lämmäkse da čomakse. Se čomevus jo nägyy käziruadoloin ozuttelus, kudai on luajittu alapertih da kudaman veräi on avvoi tulijoil. Sie suau ostua toiziengi muasteriloin tuottehii. Vie yksi ihastutti minuu täs koisse on karjalan kielen arvos pidämine! Veriän pielizes on puuhine linduine da sanat "Terveh tulgua!". Pereh tänne tulles oli valmis kunnivoiččemah meijän kieldy! Ga net oldih ainavot sanat karjalakse, mit sain nähtä Suures Selläs sinä piän. Karjalankieline Jevangelii Markan mugah sežo on kunnivosijal tämän taloin ikkunal. Vai suurin on se, ku Jumalan hengi da sana ollah Anna da Sergein Arbuzovien mielis da jogapäiväizis ruadolois. Ihan todeh, nägymättäh da löyhkämättäh. Ku vai lapsil olis hyvä, ku vai poijat kazvettas suvun jatkajikse, tervehikse, lujikse, ozakkahikse miehikse. Omal ruavol, hyväl sanal, Jumalanke, lapsien da toine toizen kunnivoiččemizenke.

Baltazar, Lyubov

Лишь бы детям было хорошо

Russian
Познакомилась я с этой семьей в селе Большая Сельга в праздник святого пророка Илии. И сразу же захотелось написать о жизни Анны Сергеевны и Сергея Владимировича Арбузовых. Потому, что все увиденное и услышанное вызывало восторг и удивление. Во-первых, потому, что они приехали в Карелию из Татарстана! И приехали в Большую Сельгу именно в Ильин день! Супруги рассказывали, как долго они выбирали место, где было бы хорошо жить. У них были свои условия, каким должно быть это место. Они не искали красивый город или высокооплачиваемую работу. Главным было то, чтобы хорошо было детям! Чтобы была чистая природа, большой деревянный дом, чтобы не так далеко был небольшой городок, чтобы рядом лес и река, чистый воздух и тишина. Так стало приятно, что именно карельская деревенька на земле Олонецкой соответствует этим условиям и понравилась этой семье! Воспоминания о пути в Карелию и выборе места для проживания, видимо, вызвали много чувств и мыслей у супругов, если даже после трех прошедших лет они долго говорили об этом. Но разговору "помешали" сыновья, в этой семье их трое, и Родиной младшего является уже Карелия! Приближался полдень и мальчишки проголодались. Двое старших пришли с друзьями, и мама стала кормить всех, и своих, и чужих!
Дети сидели в ряд рядом друг с другом по всей длине стола. Так бывало только раньше, когда росло мое поколение. И еще много раз, находясь в этом доме, в голову приходила такая мысльтак было раньше Сейчас детям самым лучшим угощением был домашний хлеб. Хозяйка дома, мама Анна Сергеевна, хорошо умеет печь хлеб и делает это по всем правилам, ведь это было в первые годы работой, которая приносила в дом доходы. Три года назад в магазинах еще не было нынешнего разнообразия хорошего ржаного хлеба. Пожалуй, Арбузовы были в числе первых, кто в Олонецком районе начал печь и продавать домашний хлеб! Так приятно было видеть большую корзину, в которой плотно уложены буханки домашнего хлеба!
Но на доходы от одного хлеба, конечно, не прожить, поэтому глава семьи Сергей всегда ищет и находит хорошую работу совсем близко. Были бы только руки работящиеработа найдется! Его умелые крепкие руки умеют многое и не боятся тяжелой работы. Сколько ему пришлось в новомстаромдоме Родионовых менять, чистить, копать, поднимать, могут знать только мужчины, у кого в руках свой дом, кто является настоящим хозяином для своей хозяйки, дома, земли. Помощники растут, но пока они еще малы, старшему Матвею только девять лет, Максиму пять. Младший Микула пока еще на руках, но уже внимательно слушает голос отца. Ребенок ни разу не закапризничал! Разговор о воспитании и обучении детей еще раз меня удивил и обрадовал. Старший сын не ходит в школу! Но мальчик дома не только потому, что ни в Большой Сельге, ни в Куйтеже уже нет школы. Его обучают родители! Они оба стали учителями для своих детей. Те знания, что дети получают в начальной школе, вполне можно получить, помогая в работе своим родителям. Дома старший сын находится в покое, никто более умный и старший не скажет и не сделает ему зла, и не надо каждый день смотреть, у кого дороже телефон или более красивая одежда. Несомненно, в школе теперь учат и многому полезному, но между детьми часто возникают ссоры и зависть. А ведь можно прожить и без этого, быть свободным от ежедневных маленьких неурядиц. Без них ребенок находится в покое, что дает возможность появления других стремлений, а это развивает чувства, умения и таланты. Именно такое воспитание детей было целью этой семьи, когда они искали свой дом. Этот старый дом будет теплым и красивым гнездом для этой семьи. Его красота уже видна в выставке изделий ручной работы, которая устроена на первом этаже дома, дверь которой всегда открыта. Здесь можно купить изделия и других мастеров. Еще одна радость - в этом доме уважают карельский язык! У дверейдеревянная табличка с карельскими словами "Terveh
tulgua!".
По приезду сюда семья была готова уважать наш язык! Но в тот день в Большой Сельге это были единственные слова на карельском языке Евангелие от Марка на карельском языке также находится на видном месте в этом доме. Но главное то, что Слово и Дух Божий живы здесь в ежедневных делах Анны и Сергея Арбузовых. Незаметно, но на самом деле, а не напоказ. Лишь бы детям было хорошо, лишь бы сыновья стали продолжателями рода, выросли крепкими, здоровыми и счастливыми мужчинами. Своим трудом, добрым словом, с помощью Божьей, с уважением к друг другу.