Texts

Jumalan varma lupauš

November 05, 2024 in 12:43 Нина Шибанова

created the text
created the text: ¹³ Antuas's'a Aprahamilla lupaukšen Jumala pošiutu omalla nimelläh, šentäh kun ei ollun ketänä šuurempua, kenen nimellä Hiän ois pošiutun. ¹⁴Jumala lupasi Aprahamilla: «Mie plahoslovin šilma hyvistähyvin šuurešti ta annan šiula äijälti jälkiläisie». ¹⁵Ta kun Aprahami käršivällisešti vuotti, niin hiän šai, mitä hänellä oli luvattu. ¹⁶Ihmiset pošiuvutah kenennih iččieh šuuremman nimellä.^ Pošiutumini lujittau as's'an ta lopettau kaikki heijän kiissat. ¹⁷ Juuri šentäh Jumala niise pošiutu, jotta lujittua oma lupauš.^ Hiän tahto tällä varmalla tavalla näyttyä niillä, kellä lupauš oli annettu, jotta Hänen piätöš ei muutu. ¹⁸Noissa kahešša muuttumattomašša as's'ašša, lupaukšešša ta pošiutumisešša, Jumala ei voi valehella.^ Šentäh myö, Hänen šuojah puannehet, voimma aivan varajamatta pityä kiini šiitä toivošta, mi on meilä annettu. ¹⁹Tämä toivo on miän elämän juakkeri, luja ta varma.^ Še mänöy jumalankojin saviessan läpi kaikistapyhimpäh. ²⁰ Šinne mäni Iisussa miän iellä, konša Häneštä tuli ilmasenikuni Ylipappi, šemmoni kuin Melhisedekki.

October 25, 2024 in 14:36 Нина Шибанова