Texts
Return to list | edit | delete | Create a new | history | Statistics | ? Help
Sluušpa Vanhan Šopimukšen aikah
Sluušpa Vanhan Šopimukšen aikah
Karelian Proper
New written karelian
1 Niin
jotta enšimmäisellä Šopimukšella , min Jumala luati Israelin rahvahan kera , oltih šiännöt sluušpah nähen ta oli pyhäkoti tiälä muan piällä . 2Pyhäkoti oli kankahašta luajittu pirtti , kumpasen etuošašša oli lamppu , stola ta uhrileivät . Tätä ošua šanottih "pyhäkši ".
3Toisen saviessan takuana oli še pyhäkojin oša , kumpaista nimitetäh "kaikistapyhimmäkši ". 4Šielä oli kultani kuajintaalttari , kumpasella poltettih luatanua , ta oli Šopimukšen lipaš , kumpani oli joka puolelta kullalla peitetty . Lippahašša oli kultani aštie mannan kera ta Aaronin šauva , mi oli puhennun lehteh . Šamoin šielä oli Šopimukšen kivipliitat , kumpasih oli kirjutettu Jumalan kymmenen käškyö . 5Lippahan piällä oltih heruvimit , jumalallisen valon anhelit , kumpaset šiivilläh varjottih riähkien prostimispaikkua . Kaikkie tätä ei nyt tarviče šelittyä tarkemmin .
6 Näin oli kaikki ruštattu . Pyhäkojin etuošah käyväh papit joka päivä sluušpua pitämäh . 7No a toiseh ošah mänöy vain ylipappi , ta vain kerran vuuvvešša . Šilloin hänellä pitäy olla keralla vertä ; hiän tuou šitä šovittuakšeh omat riähät ta ne rahvahan riähät , kumpasie hyö oli luajittu tietämättä .
8Näin Pyhä Henki näyttäy , jotta taivahalliseh pyhäkotih ovie ei avata šini , kuni muallini pyhäkoti pisyy paikallah .
9Muallini pyhäkoti on kuva nykyseštä ajašta . Šinne kyllä tuuvvah lahjoja ta uhrija , vain yhenkänä sluušpašša olijan omuahenkie ne ei puhisseta , ne ei šuaha häntä Jumalan mielen mukasekši . 10 Nämä käšyt niin kuin ruuvvat ta juomat ta erimoiset pešutki , košetah vain ihmisen runkuo ta pisytäh vain šini , kuni ei tule aika muuttua niitä .
Sluušpa Vanhan Šopimukšen aikah
Karelian Proper
New written karelian