Texts
Return to list | edit | delete | Create a new | history | Statistics | ? Help
Pitäkkyä kielenä kurissa
Pitäkkyä kielenä kurissa
Karelian Proper
New written karelian
1Vellet
, monien teistä ei pie ruveta opaštajiksi . Työhän tiijättä , jotta meitä opaštajie suutitah muita kovemmin . 2Vet jokahini meistä moneh luatuh hairahtuu . Ken ei hairaha pakinoissa , hiän on täyvellini ta šuattau pityä koko runkon kurissa .
3Konša panemma šuičet heposen šuuh , niin šuamma šen tottelomah meitä ta voimma ohjata koko hepoista .
4Ta laivat niise , vaikka ne ollah šuuret ta rajut tuulet niitä ajellah , ka pieni huopari ohjuau laivan , kunne perämieš tahtou . 5Šamoin kieliki on pieni runkonoša , no še voit rehennellä šuurilla as's'oilla . Pienituli šytyttäy palamah šuuren mečän !
6Kieli niise on tuli , miän runkošša še on kaiken pahan pešä . Še pakanoittau koko runkon ta šytyttäy tuleh ihmisen elämänpyörän . A iče še on šyttyn uatun tulešta .
7Kaikkie elukkoja ihmini šuattau kešyttyä ta on kešyttänki nelläjalkasie , lintuja , ryömijie ta meren elukkoja , 8vain kieltä ei yksikänä ihmini voi kešyttyä . Še on pijättelömätöin ta paha , täytenäh tappajua myrkkyö .
9Kielellä myö kiitämmä Jumalua , miän Tuattuo , ta šillä šamalla kiruomma ihmisie , Jumalan kuvan mukah luajittuja .
10Kiittämini ta kiruomini lähetäh šamašta šuušta . Näin ei šua olla , vellet !
11 Voitko šamašta hettieštä noušša makieta ta karkieta vettä ?
12Vellet , smokvapuušša ei kašva voipuun marjoja eikä viinamarjan okšašša smokvua . Šamoin yheštä hettieštä ei voi juošša šuolaista ta makieta vettä .
Pitäkkyä kielenä kurissa
Karelian Proper
New written karelian