Texts
Return to review | Return to list
Mustas kois
history
November 27, 2024 in 14:19 Нина Шибанова
- created the text
- created the text: Minun mustas kois tuohus pieni kydöy, minus ymbäri pimevys verkoloi kudou. En voi pajeta – kuulen kaikkiel pajon sen, omal kielel, kudai pajattamah jäi. Sen pajon kerran vai unis kuunnella sain. Meijän kielel ruuhtu valmistetah jo ammui, erähil rinnas vieron kyven jo sammui. Ruuhtu kannetah kavonnuot, tyrmäs tyhjän täh istunuot, lapset kielen unohtannuot. Onhäi tottu tämä kai, sidä puaksuh näin. Tottu todistu eččijes kieldy tahkotah hyvin, eččijäl sydämes ei sammu hyvyön kyven. Žiäli vähä jäi moizii miehii, ket maltettas astuo oigieh päi, kielen surmal sanottas – myöstäi, Moizii harvah vai elaijas näin. Tiijän meijänmoizii löydyy äijäl, hyö tulen ker ečitäh keskipäiväl sobuu igästy, tottu todistu, no pagei loitokse tozi se, kudai eččimättäh jäi. Sen toven sanat kerran vai unis kuunnella sain.